အရေးပေါ်တုံ့ပြန်ရေးနှင့် ပြည်သူများအတွက် နွေးထွေး၍ ဘေးကင်းစိတ်ချရသော ဆောင်းရာသီဖြစ်စေရေးအတွက် ကြိုးပမ်းအားထုတ်မှုများ အစွမ်းကုန်ဆောင်ရွက်ရန် သမ္မတ ရှီ တိုက်တွန်း

ပေကျင်း၊ ဒီဇင်ဘာ ၁၆ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်က အရေးပေါ်တုံ့ပြန်ရေးနှင့် ပြည်သူများအတွက် နွေးထွေး၍ ဘေးကင်းစိတ်ချရသော ဆောင်းရာသီဖြစ်စေရေးအတွက် ကြိုးပမ်းအားထုတ်မှုများ အစွမ်းကုန်ဆောင်ရွက်ရန် တိုက်တွန်းခဲ့ကြောင်း သိရသည်။
တရုတ်ကွန်မြူနစ်ပါတီ ဗဟိုကော်မတီ အထွေထွေအတွင်းရေးမှူးချုပ်နှင့် ဗဟိုစစ်ကော်မရှင် ဥက္ကဋ္ဌဖြစ်သူ ရှီက အပူချိန်ကျဆင်းမှုများ၊ မိုးရွာသွန်းမှု၊ ဆီးနှင်းနှင့် အေးခဲသောအခြေအနေများကြောင့် ဖြစ်ပေါ်လာမှုများကို ကာကွယ်ရေးနှင့် သဘာဝဘေးအန္တရာယ်များ တုံ့ပြန်ရေးဆိုင်ရာ ညွှန်ကြားချက်ပေးခဲ့သည်။

ဆက်စပ်သော ဒေသများနှင့် အစိုးရဌာနများအနေဖြင့်လည်း ၎င်းတို့၏တာဝန်များကို ထမ်းဆောင်ရေး၊ အသေးစိတ် ကြိုတင်ကာကွယ်မှုများ လုပ်ဆောင်ရေး၊ အရေးပေါ်အစီအစဉ်များ အဆင့်မြှင့်တင်ရေးနှင့် ဖြစ်ပေါ်လာနိုင်သော အန္တရာယ်များကို စောင့်ကြည့်ရေး စသည်တို့ကို ဆောင်ရွက်ရမည်ဖြစ်ကြောင်း သမ္မတ ရှီက ဆိုသည်။
တရုတ်နိုင်ငံ၏ ဒေသများစွာတွင် မိုးသည်းထန်စွာရွာသွန်း၍ ဆီးနှင်းများကျဆင်းခဲ့ကာ လျှပ်စစ်ဓာတ်အားဖြန့်ဖြူးခြင်း၊ သယ်ယူပို့ဆောင်ရေး၊ ထုတ်လုပ်ရေးနှင့် ပြည်သူများနေထိုင်မှုဘဝ အခြေအနေပေါ် သက်ရောက်မှုကြီးမားခဲ့ကြောင်း ရှီက ပြောခဲ့သည်။

အားကောင်းသော အအေးလှိုင်းဖြတ်သန်းမှုသည် တရုတ်နိုင်ငံ အလယ်ပိုင်းနှင့် အရှေ့ပိုင်းဒေသများသို့ ဝင်ရောက်နိုင်မည်ဟု ခန့်မှန်းထားသလို သဘာဝဘေးအန္တရာယ်များလည်း ဖြစ်ပေါ်လာနိုင်ကြောင်း၊ ဘေးအန္တရာယ် ကာကွယ်ရေးနှင့် လျော့ပါးရေးလုပ်ငန်းများကို ဆောင်ရွက်ရန် အာရုံစိုက်ကြရမည်ဖြစ်ကြောင်း သမ္မတ ရှီကျင့်ဖိန်က ပြောကြားခဲ့သည်။

ထို့ပြင် ရှီက ရာသီဥတုပြောင်းလဲမှုများကို နောက်ဆက်တွဲ အနီးကပ်စောင့်ကြည့်ရန်နှင့် ခန့်မှန်းချက်များနှင့် သတိပေးချက်များကို အချိန်နှင့်တစ်ပြေးညီ ထုတ်ပြန်ရန် လိုအပ်ကြောင်းလည်း အလေးထားပြောခဲ့သည်။ (Xinhua)

………………………………
(English Version)
Xi urges all-out efforts in emergency response, ensuring warm, safe winter for people
BEIJING, Dec. 15 (Xinhua) — Chinese President Xi Jinping has urged all-out efforts in emergency response work and in ensuring a warm and safe winter for the people.
Xi, also general secretary of the Communist Party of China Central Committee and chairman of the Central Military Commission, made the instruction on the prevention of and response to disasters induced by low temperatures, rain, snow and freezing conditions.
He said relevant regions and departments must shoulder their responsibilities, make detailed precautionary measures, improve contingency plans and screen potential risks.
Multiple parts of the country have seen heavy rain and snow, which have had a relatively large impact on power supply, transport, production and people’s livelihoods, Xi said.
Noting that strong cold waves are expected to sweep central and eastern parts of the country and bring high disaster risks, Xi said close attention must be paid to the disaster prevention and relief work.
He stressed the need to follow weather changes closely and issue forecasts and alerts in a timely manner.
Photo: A worker removes snow with a machine at Yongdingmen Park in Beijing, capital of China, Dec. 11, 2023. (Xinhua/Li He)