Environment, Disasters & Accidents
ရခိုင်ပြည်နယ် ဘူးသီးတောင်မြို့၌ နေအိမ်ခုနှစ်လုံးမီးလောင်မှုဖြစ်ပွား
ရန်ကုန်၊ ဧပြီ ၁၃ ရက် (ဆင်ဟွာ)
ရခိုင်ပြည်နယ် မောင်တောခရိုင်၊ဘူးသီးတောင်မြို့အမှတ် (၁)အနောက်ရပ်ကွက်၌ ယနေ့နံနက်၂ နာရီ ၄၅မိနစ်က မီးလောင်မှုဖြစ်ပွား၍ နေအိမ်ခုနှစ်လုံး မီးလောင်ကျွမ်းခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
အမှတ် (၁)အနောက်ရပ်ကွက်ရှိ နေအိမ်တစ်လုံးမှ မီးဖိုမီးကြွင်းမီးကျန်မှ တဆင့်အနီးရှိဝါးထရံသို့ မီးကူးစက်လောင်ကျွမ်းခဲ့ရာ ဘေးကပ်လျက်ရှိနေ အိမ်များသို့ ကူးစက်လောင်ကျွမ်းခဲ့ရာ စုစုပေါင်း နေအိမ် ၇ လုံးထိ မီးလောင်ဆုံးရှုံးခဲ့ကြောင်း သိရသည်။
ယင်း မီးလောင်မှုကြောင့် လူ၊တိရစ္ဆာန်ထိခိုက်ဒဏ်ရာရရှိမှု မရှိခဲ့သော်လည်း မီးဘေးဒဏ်သင့်ဒုက္ခသည် ၆၁ ဦးတို့အား ရပ်ကွက်ဆွေမျိုးများနေအိမ်၌ ခေတ္တနေထိုင်ရန် စီစဉ်ပေးခဲ့ကြောင်း သိရသည်။
အဆိုပါ မီးလောင်မှုဖြစ်ပေါ်စေခဲ့သည် နေအိမ်မှ(ငှားရမ်းနေထိုင်သူ) အမှတ်(၁)၊အနောက်ရပ်ကွက် နေမာမောက်ရော်ဟိန်းအား ဘူးသီးတောင်မြို့မရဲစခန်းမှ ပ-၂၆/၂၀၁၉၊ပုဒ်မ-၂၈၅ဖြင့် အမှုဖွင့်အရေးယူဆောင်ရွက် လျက်ရှိကြောင်း သိရသည်။(Xinhua)
