Environment, Disasters & Accidents
စစ်ကိုင်းတိုင်းဒေသကြီး အင်းတော်မြို့နယ်၌ ယာဉ်တိမ်းမှောက်မှုကြောင့် လူ ၄ဦးသေဆုံးပြီး ၁၁ ဦးဒဏ်ရာ ရရှိ
ရန်ကုန်၊ မေ ၁၄ ရက် (ဆင်ဟွာ)
စစ်ကိုင်းတိုင်းဒေသကြီး အင်းတော်မြို့နယ်၌ ယာဉ်တိမ်းမှောက်မှုဖြစ်ပွားရာ ယာဉ်ပေါ်တွင် လိုက်ပါလာသူများအနက် လူ ၄ဦးသေဆုံးပြီး ၁၁ ဦးထိခိုက်နာကျင်ဒဏ်ရာများ ရရှိခဲ့ကြောင်းသိရသည်။
အင်းတော်မြို့နယ် ရွာဟောင်းကျေးရွာအနီး လက်ဖက်ချောင်တောလမ်းပေါ်တွင် မေ ၁၂ ရက် နေ့လည် ၁၂ နာရီခွဲတွင် လမ်းခင်းကျောက်များသယ်ဆောင်မောင်းနှင်လာစဉ် အရှိန်မထိန်းနိုင်ဘဲ လဲကျတိမ်းမှောက်သွားကြောင်း သိရသည်။
အဆိုပါ ယာဉ်ပေါ်တွင်လိုက်ပါလာသူ လူ(၁၅)ဦးသည် ထိခိုက်နာကျင်ဒဏ်ရာများရရှိပြီး အမျိုးသား ၃ဦးသည် အခင်းဖြစ်နေရာတွင်သေဆုံးခဲ့ကြောင်း၊ ဒဏ်ရာရရှိသူများထဲမှ အမျိုးသားတစ်ဦးသည် ဆေးရုံသို့ရောက်ရှိ ထပ်မံသေဆုံးခဲ့ကြောင်း သိရသည်။(Xinhua)
