Politics, Law & Military
ကသာခရိုင်အတွင်းရှိ တပ်လွင်ကြိုးဝိုင်း(၂၆)နေရာမှ တရားမဝင်သစ်များ ဖမ်းဆီးရမိ
ရန်ကုန်၊ သြဂုတ် ၂၇ ရက်(ဆင်ဟွာ)
စစ်ကိုင်းတိုင်းဒေသကြီး၊ ကသာခရိုင်၊ ဝန်းသိုမြို့နယ်အတွင်းရှိ တပ်လွင်ကြိုးဝိုင်း (၂၆)နေရာမှ တရားမဝင်သစ်များ ဖမ်းဆီးရမိခဲ့ကြောင်း သစ်တောဦးစီးဌာနမှ ထုတ်ပြန်သော သတင်းအရ သိရသည်။
တပ်လွင်ကြိုးဝိုင်း (၂၆)အတွင်း၌ သြဂုတ် ၂၄ ရက်တွင် တရားမဝင် ကျွန်း သစ်/ခွဲသား စုစုပေါင်း (၂၆၅)ချောင်း (၂၀.၁၂၁၄)တန်၊ အင်ဂျင် (၁)လုံး၊ လွှဝိုင်း(၁)ဝိုင်းနှင့်ဆက်စပ်ပစ္စည်းများ ဖမ်းဆီးရမိခဲ့ပြီး ဖမ်းဆီးရမိ တရားမဝင်သစ်များနှင့် ဆက်စပ်ပစ္စည်း ဆက်စပ်ပတ်သက်သူများအား စုံစမ်းဖေါ်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေးဆောင်ရွက် လျက်ရှိကြောင်း သိရသည်။ဝန်းသိုမြို့နယ်၊ နမ်းခမ်းအပတော၌လည်း သြဂုတ် ၂၅ ရက်တွင် တရားမဝင် ကျွန်း သစ်/ခွဲသား စုစုပေါင်း (၃၉၈)ချောင်း (၈.၀၉၆၄)တန်၊ အင်ဂျင် (၁)လုံး၊ လွှဝိုင်း (၁)ဝိုင်းနှင့်ဆက်စပ်ပစ္စည်းများ ထပ်မံ ဖမ်းဆီးရမိခဲ့ကြောင်း သိရသည်။(Xinhua)
