Social
ငှက်သိုက်ကျွန်းအုပ်စုများပေါ်မှ ဇီဝဇိုးငှက်သိုက်များစုသိမ်းထုတ်ယူခွင့် ဈေးပြိုင်အိတ်ဖွင့်တင်ဒါခေါ်
ရန်ကုန်၊ ဖေဖော်ဝါရီ ၂၇ ရက် (ဆင်ဟွာ)
တနင်္သာရီတိုင်းဒေသကြီးရှိ ငှက်သိုက်ကျွန်းအုပ်စုများပေါ်မှ ဇီဝဇိုးငှက်သိုက်များစုသိမ်းထုတ်ယူခွင့်နှင့် ပတ်သက်ပြီး ဈေးပြိုင်အိတ်ဖွင့်တင်ဒါခေါ်ယူထားကြောင်း သစ်တောဦးစီးဌာနထံမှ သိရသည်။
လောင်းလုံမြို့နယ်အတွင်းရှိ မော်စကိုကျွန်းအုပ်စု၊ ကျွန်းစုမြို့နယ်အတွင်းရှိ ရေအေးကျွန်းအုပ်စု၊ ကော့သောင်းမြို့နယ်အတွင်းရှိ ကဆိုင်းလှနှင့် ကော့ငါးကျွန်းအုပ်စုနှင့် ပုလောမြို့နယ်အတွင်းရှိ မလိကျွန်းအုပ်စုတို့တွင် ဇီဝဇိုးငှက်သိုက်များစုသိမ်းထုတ်ယူခွင့် ဈေးပြိုင်အိတ်ဖွင့်တင်ဒါကို ဖေဖော်ဝါရီ ၂၃ရက်နေ့တွင် လျှောက်လွှာတစ်စောင်လျှင် ကျပ် ငါးသောင်းနှုန်းဖြင့် စတင်ရောင်းချပေးပြီး မတ်လ ၇ ရက်နေ့တွင် လျှောက်လွှာအရောင်းပိတ်မည်ဖြစ်ကြောင်း သိရသည်။
တနင်္သာရီတိုင်းဒေသကြီး၊ သစ်တောဦးစီးဌာန၊ ညွှန်ကြားရေးမှူးရုံးခန်းတွင် မတ်လ ၈ ရက်နေ့ နံနက် ၁၀နာရီတွင် တနင်္သာရီတိုင်းဒေသကြီးရှိ ငှက်သိုက်ကျွန်းအုပ်စုများပေါ်မှ ဇီဝဇိုးငှက်သိုက်များ စုသိမ်းထုတ်ယူခွင့်အား ဈေးပြိုင်အိတ်ဖွင့်တင်ဒါစနစ်ဖြင့် ရောင်းချပေးမည်ဖြစ်ကြောင်း သိရသည်။(Xinhua)