သီရိလင်္ကာ ရေဘေးအတွက် အမေရိကန် ဒေါ်လာ တစ်သိန်း ကမ္ဘောဒီးယား လှူဒါန်း

ဖနွမ်းပင်၊ ဇွန် ၉ ရက် (ဆင်ဟွာ)

သီရိလင်္ကာနိုင်ငံ ရေဘေးအတွက် ကမ္ဘောဒီးယားနိုင်ငံမှ အမေရိကန် ဒေါ်လာ တစ်သိန်း ပေးလှူခဲ့ကြောင်း သိရသည်။

သီရိလင်္ကာ ရေဘေးတွင် ထိခိုက်နစ်နာခဲ့ရသူများ၏ မိသားစုများအတွက် ကြေကွဲဝမ်းနည်းရကြောင်းနှင့် ၎င်းတို့အတွက် အရေးပေါ် သုံးစွဲရန်အတွက် ယခုလို လှူဒါန်းရခြင်း ဖြစ်ကြောင်း ကမ္ဘောဒီးယား ဝန်ကြီးချုပ် Samdech Techo Hun Sen က သီရိလင်္ကာ ဝန်ကြီးချုပ် Ranil Wickremesinghe ထံ ပေးပို့သော သတင်းစကား၌ ဖော်ပြထားသည်။

“ကမ္ဘောဒီးယား တော်ဝင်အစိုးရနှင့် ပြည်သူများ ကိုယ်စား သီရိလင်္ကာနိုင်ငံ သမ္မတနှင့် ပြည်သူများထံ ကျွနု်ပ်တို့၏ အလွန် ကြေကွဲဝမ်းနည်းမှုအား ဖော်ပြလိုက်ပါကြောင်း ၊ အထူးသဖြင့် ကြီးမားသော ဆုံးရှုံးမှု ခံစားခဲ့ရတဲ့ မိသားစုဝင်များအတွက် ဝမ်းနည်းရပါကြောင်း” ကမ္ဘောဒီးယား ဝန်ကြီးချုပ် Samdech Techo Hun Sen က ပြောခဲ့သည်။

မေလ ၂၆ ရက်ကတည်းက ရွာသွန်းခဲ့သည့် မိုးကြောင့် သီရိလင်္ကာနိုင်ငံ အနောက်ပိုင်းနှင့် အလယ်ပိုင်း ပြည်နယ်များရှိ ခရိုင်များစွာ၌ ရေလွှမ်းမိုးမှုများ၊ မြေပြိုမှုများ ဖြစ်ပွားခဲ့ပြီး အနည်းဆုံး လူ ၂၁၁ ဦး သေဆုံးခဲ့ကာ လူပေါင်းများစွာ ပျောက်ဆုံးနေဆဲ ဖြစ်သလို ပြည်သူ ငါးသိန်းနီးပါး ပြောင်းရွှေ့ခဲ့ရကြောင်း သိရသည်။ (Xinhua)