ဆိုးလ်၊ သြဂုတ် ၉ ရက် (ဆင်ဟွာ)

တောင်ကိုရီးယားနိုင်ငံနှင့် မြောက်ကိုရီးယားနိုင်ငံတို့သည် အဆင့်မြင့်ဆွေးနွေးပွဲများကို သြဂုတ်လ ၁၃ ရက်တွင် နယ်စပ်ကျေးရွာ ပန်မွန်ဂျုံ၌ တွေ့ဆုံရန် သြဂုတ်လ ၉ ရက်က သဘောတူခဲ့ကြောင်း တောင်ကိုရီးယားနိုင်ငံ ပြန်လည်ပေါင်းစည်းရေး ဝန်ကြီးဌာနထံမှ သိရသည်။

ဟောင်ကောင်၊ သြဂုတ် ၉ ရက် (ဆင်ဟွာ)

အင်ဒိုနီးရှားနိုင်ငံ တိုဒိုကျွန်း အရှေ့တောင်ဘက် ၃ ကီလိုမီတာတွင် သြဂုတ်လ ၉ ရက် ဂရင်းနစ်စံတော်ချိန် ၅ း ၂၅ း ၃၁ နာရီ၌ အင်အား ၅.၉ ပမာဏရှိသော အင်အားပြင်းငလျင် လှုပ်ခတ်ခဲ့ကြောင်း အမေရိကန် ဘူမိဗေဒ တိုင်းတာရေးက ပြောကြားခဲ့သည်။

နယူးဒေလီ၊ သြဂုတ် ၉ ရက် (ဆင်ဟွာ)

အိန္ဒိယနိုင်ငံ မြို့တော် နယူးဒေလီမြို့ တွင် သြဂုတ် ၈ ရက် နှောင်းပိုင်းက အရှိန်ဖြင့်မောင်းနှင်လာသော ခရီးသည်တင်ရထားတစ်စင်းဖြင့် တိုက်မိ၍ နွားအကောင် ၂၀ သေဆုံးခဲ့ကြောင်း ရထားလမ်းတာဝန်ရှိသူများက ပြောကြားခဲ့သည်။

နယူးဒေလီ၊ သြဂုတ် ၉ ရက် (ဆင်ဟွာ)

အိန္ဒိယနိုင်ငံ၏ စီးပွားရေးမြို့တော် မွမ်ဘိုင်းမြို့ ရှိ နိုင်ငံပိုင် ရေနံသန့်စင်စက်ရုံတွင် သြဂုတ် ၈ ရက်က မီးလောင်မှုဖြစ်ပွားခဲ့ရာ အနည်းဆုံး လူ ၄၃ဦး ဒဏ်ရာရရှိခဲ့ကြောင်း တာဝန်ရှိသူများကပြောကြားခဲ့သည်။

ဂျကာတာ ၊ သြဂုတ် ၉ ရက်(ဆင်ဟွာ)

အင်ဒိုနီးရှားနိုင်ငံ၌ လှုပ်ခတ်ခဲ့သော ပြင်းအား ၇.ဝ အဆင့်ရှိ ငလျင်ကြောင့် သေဆုံးသူ ၃၄၇ ဦးထိ မြင့်တက်လာခဲ့ကြောင်း အင်ဒိုနီးရှားအမျိုးသားသဘာဝဘေးအန္တရာယ်စီမံခန့်ခွဲမှုအေဂျင်စီမှ ပြောရေးဆိုခွင့်ရှိသူ Sutopo Purwo Nugroho က ဆိုသည်။

ဂျာကာတာ ၊ သြဂုတ် ၈ ရက် (ဆင်ဟွာ)

အင်ဒိုနီးရှား နိုင်ငံ ဆိုင်ရာ တရုတ် နိုင်ငံ သံရုံး က သြဂုတ်လ ၈ ရက် ၌ ဂျာကာတာ ရှိ အင်ဒိုနီးရှား နိုင်ငံ ကြက်ခြေနီအသင်း သို့ အင်ဒိုနီးရှား နိုင်ငံ တွင် ဖြစ်ပွား ခဲ့သည့် ဒုက္ခသည်များအတွက် လူသားချင်း စာနာထောက်ထားမှု အကူအညီ များ ပေးအပ် လှူဒါန်း ခဲ့ကြောင်း သိရှိရသည်။

ကွာလာလမ်ပူ ၊ သြဂုတ် ၈ ရက်(ဆင်ဟွာ)

မလေးရှားနိုင်ငံဝန်ကြီးချုပ်ဟောင်း နာဂျစ်ရာဇက်အား ဇူလိုင်လအစောပိုင်းတွင် တရားရုံးများက တရားစွဲဆိုခဲ့သည့် ယုံကြည်မှု ဖောက်ဖျက်ခြင်း နှင့် အဂတိလိုက်စားခြင်း ပြစ်မှုများအပြင် အကြမ်းဖက်မှုတိုက်ဖျက်ရေးဘဏ္ဍာငွေများအလွဲသုံးစားပြုမှု နှင့် ငွေကြေးခဝါချမှုများဖြင့် ဆက်စပ်သည့် ပြစ်မှုသုံးခုနှင့်သြဂုတ်လ ၈ ရက်ကထပ်မံ စွဲချက်တင်လိုက်ကြောင်း သိရသည်။

ဘန်ကောက်၊ သြဂုတ် ၈ ရက် (ဆင်ဟွာ)

ထိုင်းနိုင်ငံ မြောက်ပိုင်းရှိ ရေလွှမ်းနေသော ဂူအတွင်းမှာ ကယ်ဆယ်နိုင်ခဲ့ပြီး ၁၈ ရက်ကြာပြီးနောက် ဆယ်ကျော်သက် ဘောလုံးသမား ၁၂ ဦးသည် စာသင်ကျောင်းသို့ ပြန်တက်နိုင်ပြီဖြစ်ပြီး ရိုးရာကံကောင်းခြင်း ကြိုဆိုပွဲအခမ်းအနား ပြုလုပ်ခဲ့ကြောင်း ဒေသခံ မီဒီယာ သတင်းများက ဖော်ပြထားသည်။

မနီလာ ၊ သြဂုတ် ၈ ရက်(ဆင်ဟွာ)

လူ ၁၆ ဦး တင်ဆောင်လာသည့် သင်္ဘောတစ်စီးသည် ဇူလိုင် ၃၀ရက်က ဖိလစ်ပိုင်နိုင်ငံ အနောက် တောင်ပိုင်း မလေးရှားနိုင်ငံအနီး ပင်လယ်ပြင်တွင် နစ်မြုပ်ခဲ့ကြောင်း ၊ လက်ရှိအချိန်အထိ လူ ၇ ဦး သေဆုံးပြီး ၈ ဦး ပျောက်ဆုံးနေဆဲဖြစ်ကြောင်း ဖိလစ်ပိုင် ကမ်းခြေစောင့်တပ်ဖွဲ့(PCG)က သြဂုတ် ၈ ရက် တွင် အတည်ပြုပြောကြားခဲ့သည်။

အစ္စလာမ်မာဘတ်၊ သြဂုတ် ၈ ရက် (ဆင်ဟွာ)

ပါကစ္စတန်နိုင်ငံ အနောက်တောင်ပိုင်း Balochistan ပြည်နယ်ရှိ မိန်းကလေးကျောင်း နှစ်ကျောင်း သြဂုတ်လ ၇ ရက်ညက မီးလောင်ကျွမ်းမှုဖြစ်ပွားခဲ့ကြောင်း ဒေသခံ မီဒီယာက သြဂုတ်လ ၈ ရက်တွင် ဖော်ပြလိုက်သည်။