တိုကျို၊ မတ် ၂၅ ရက် (ဆင်ဟွာ)

ဂျပန်နိုင်ငံ ဝန်ကြီးချုပ် ရှင်ဇိုအာဘေး (Shinzo Abe) နှင့် နိုင်ငံတကာ အိုလံပစ်ကော်မတီ (IOC) ဥက္ကဋ္ဌ သောမတ်စ် ဘတ်ချ် (Thomas Bach) တို့က တိုကျိုအိုလံပစ်အားကစားပွဲတော်အား ၂၀၂၁ ခုနှစ် နွေရာသီထက် နောက်မကျဘဲ ကျင်းပရန် ပြိုင်ပွဲရွှေ့ဆိုင်းမှုအား သဘောတူခဲ့ကြောင်း သိရသည်။

ဒါကာ ၊ မတ် ၂၄ ရက်(ဆင်ဟွာ)

နိုင်ငံအတွင်း COVID-19 ရောဂါ ကူးစက်မှုမြင့်တက်လာခြင်းကြောင့် လိုအပ်သော အစီအမံများဆောင်ရွက်နိုင်ရန် မတ် ၂၆ ရက်မှ ဧပြီ၄ ရက်အထိကို အများပြည်သူရုံးပိတ်ရက်အဖြစ် ဘင်္ဂလားဒေ့ရှ်နိုင်ငံအစိုးရက ထုတ်ပြန်ကြေညာလိုက်သည်။

ပေကျင်း၊ မတ် ၂၃ ရက်(ဆင်ဟွာ) 

ကမ္ဘောဒီးယားနိုင်ငံ၏COVID-19 ရောဂါတိုက်ဖျက်ရေးကို ကူညီဆောင်ရွက်ရန်အတွက် တရုတ်နိုင်ငံအစိုးရက ကပ်ရောဂါတိုက်ဖျက်ရေး ပညာရှင်အဖွဲ့ကို စေလွှတ်ရန် ဆုံးဖြတ်လိုက်ကြောင်း တရုတ်နိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ကိန်းစွမ်က မတ် ၂၃ ရက်တွင် ပြောကြားခဲ့သည်။ 

ဗီယင်ကျန်း၊ မတ် ၁၆ ရက်(ဆင်ဟွာ) 

China Railway Wuhan Electrification Engineering Group Co., Ltd. (WEEG)မှ တာဝန်ယူတည်ဆောက်သော တရုတ်-လာအို ရထားလမ်းစီမံကိန်း၏ M&E (mechanical and electrical)လုပ်ငန်းများကို တရားဝင် စတင်အကောင်အထည်ဖော်ဆောင်ရွက်နေပြီဖြစ်ကြောင်း Laos-China Railway Co., Ltd.၏ ပြောကြားချက်များအရ သိရသည်။WEEG ကုမ္ပဏီအနေဖြင့် လက်ရှိ ကပ်ရောဂါအခက်အခဲများကို ကျော်လွှားကာ ၂၀၂၁ ခုနှစ် ဒီဇင်ဘာလတွင် ရထားလမ်း အပြည့်အစုံ ဖွင့်လှစ်သွားမည့် ရည်မှန်းချက်ကို ဘက်စုံ အကောင်အထည် ဖော်သွားမည် ဖြစ်ကြောင်းသိရသည်။ ကုန်ပစ္စည်း သယ်ယူပို့ဆောင်ရေးနှင့် အခြား အခက်အခဲတွေကို ကျော်လွှားပြီး ကပ်ရောဂါကာကွယ်ထိန်းချုပ်မှုနှင့် လုပ်ငန်းအကောင်အထည်ဖော် ဆောင်ရွက်မှု ကဏ္ဍနှစ်ခုကို မလစ်ဟင်းအောင် ဆောင်ရွက်ခြင်းကြောင့် စီမံကိန်းများ သတ်မှတ်ကာလအတိုင်း ဆောင်ရွက်နိုင်ခဲ့ကြောင်း သိရသည်။ 

အစ္စလာမ်မာဘတ် ၊ မတ် ၁၁ ရက်(ဆင်ဟွာ)

ပါကစ္စတန် နိုင်ငံ မြို့တော် အစ္စလာမ်မာဘတ်၌ ပါကစ္စတန်လေတပ်မှ F-16 တိုက်လေယာဉ်တစ်စီးသည် မတ် ၁၁ ရက်တွင် ပါကစ္စတန်နေ့ စစ်ရေးပြ အခမ်းအနားမတိုင်မီ အကြိုလေ့ကျင့်မှု အတွင်း ပျက်ကျသွားခဲ့ကြောင်း ပါကစ္စတန်လေတပ်မှ Syed Ahmer Raza က ဆင်ဟွာသို့ ပြောကြားခဲ့သည်

တီဟီရန်၊ မတ် ၁၁ ရက် (ဆင်ဟွာ)

၂၀၂၂ ခုနှစ် ဖီဖာ (FIFA) ကမ္ဘာ့ဖလားအတွက် မကြာမီကျင်းပတော့မည့် အာရှဇုန်ခြေစစ်ပွဲများကို ရွှေ့ဆိုင်းလိုက်ပြီးနောက် အီရန်နိုင်ငံ လက်ရွေးစင်အသင်း၏ မတ်လလယ် စခန်းသွင်းလေ့ကျင့်မှု အစီအစဉ်ကို ပယ်ဖျက်လိုက်ကြောင်း တီဟီရန်တိုင်းမ်စ်နေ့စဉ်သတင်းစာက မတ် ၁၀ ရက်တွင် သတင်းဖော်ပြခဲ့သည်။

ဟနွိုင်း ၊ မတ် ၁၁ ရက်(ဆင်ဟွာ)

ဗီယက်နမ် နိုင်ငံ ကျန်းမာရေး ဝန်ကြီးဌာနက မတ် ၁၁ ရက်တွင် နိုင်ငံအလယ်ပိုင်း ဒါနန်(Da Nang) မြို့၌ နိုဗယ်လ်ကိုရိုနာ ဗိုင်းရပ်စ် ရောဂါ ဖြစ်ပွားသူ လူနာသစ်တစ်ဦး တွေ့ရှိခဲ့ကြောင်း အတည်ပြုခဲ့ပြီး နိုင်ငံအတွင်း၌ စုစုပေါင်း ရောဂါ ဖြစ်ပွားသူမှာ ၃၅ ဦးထိ ရှိလာခဲ့ကြောင်း သိရသည်။

အစ္စလာမ်မာဘတ်၊ မတ် ၁၀ ရက် (ဆင်ဟွာ)

တရုတ်နိုင်ငံက ကူညီထောက်ပံ့သော မယ်လာသီယွန် (Malathion) အရည် ၅၀,၀၀၀ လီတာနှင့် လေစွမ်းအင်သုံး စွမ်းရည်မြင့်ဆေးဖျန်းစက် ၁၄ ခု အပါအဝင် ကျိုင်းကောင် ထိန်းချုပ်ရေးပစ္စည်းကိရိယာများ ပထမအသုတ်မှာ ပါကစ္စတန်နိုင်ငံ တောင်ပိုင်း ကရာချိမြို့သို့ မတ် ၉ ရက်က ရောက်ရှိခဲ့ကြောင်း သိရသည်။

ဖနွမ်းပင်၊ မတ် ၉ ရက်(ဆင်ဟွာ) 

ကမ္ဘောဒီးယားနိုင်ငံ၏ ချည်မျှင်နှင့်အထည်ချုပ်လုပ်ငန်းများအတွက် လိုအပ်သော ကုန်ကြမ်းများကို ဖြေရှင်းနိုင်ရန် တရုတ်နိုင်ငံ သက်ဆိုက်ရာမှ လျင်မြန်စွာ ဆောင်ရွက်လျက်ရှိရာ ကုန်ကြမ်းပစ္စည်းများ မတ် ၉ ရက်မှစ၍ ကမ္ဘောဒီးယားနိုင်ငံသို့ ရောက်ရှိလာမည်ဖြစ်ကြောင်း ကမ္ဘောဒီးယားနိုင်ငံဆိုင်ရာ တရုတ်နိုင်ငံ သံရုံးမှတစ်ဆင့် သိရသည်။

ဆိုးလ် ၊ မတ် ၄ ရက်(ဆင်ဟွာ)

တောင်ကိုရီးယားနိုင်ငံ အနောက်တောင်ပိုင်းဒေသ၌ မတ် ၄ ရက်တွင် ဓာတုစက်ရုံတစ်ရုံ ပေါက်ကွဲမှု ဖြစ်ပွားခဲ့ပြီး လူ ၃၆ ဦး ဒဏ်ရာရရှိခဲ့ကြောင်း မီးသတ်တာဝန်ရှိသူများ၏ ပြောကြားချက်ကို ကိုးကား၍ Yonhap သတင်းအေဂျင်စီက ဖော်ပြခဲ့သည်။