ဦလန်ဘာတာ၊ ဧပြီ ၂၄ ရက် (ဆင်ဟွာ)

မွန်ဂိုးလီးယားနိုင်ငံ တောင်ပိုင်းနှင့် အလယ်ပိုင်းတွင် လေပြင်းတိုက်ခတ်ခြင်းနှင့် သဲမုန်တိုင်းတိုက်ခြင်း များဖြစ်ပွားလျက်ရှိကြောင်း၊ လေတိုက်နှုန်းမှာ တစ်စက္ကန့်လျှင် ၁၅ မီတာမှ ၂၄ မီတာကြားရှိကြောင်း မိုးလေဝသနှင့် ပတ်ဝန်းကျင်ဆိုင်ရာ စောင့်ကြည့်လေ့လာရေး အမျိုးသားအေဂျင်စီက ဧပြီ ၂၄ ရက်တွင်ပြောသည်။

နယူးဒေလီ၊ ဧပြီ ၂၄ ရက် (ဆင်ဟွာ)

အိန္ဒိယနိုင်ငံ မြောက်ပိုင်း အက်ထရာခန်ပြည်နယ်တွင် ရေခဲပြင်အစိတ်အပိုင်း ပြိုကျမှုကြောင့် ရေခဲစိုင်ပြိုကျမှုဖြစ်ပွားကာ အနည်းဆုံး လူ ၈ ဦးသေဆုံးခဲ့ပြီး အခြားသူ ၆ ဦးအား ကယ်ဆယ်နိုင်ခဲ့ကာ အခြေအနေစိုးရိမ်ရကြောင်း တာဝန်ရှိသူများက ဧပြီ ၂၄ ရက်၌ ပြောကြားခဲ့သည်။

ဒါကာ၊ ဧပြီ ၂၃ ရက် (ဆင်ဟွာ)

ဘင်္ဂလားဒေ့ရှ်နိုင်ငံ မြို့တော် ဒါကာ၏ မြို့ဟောင်းအပိုင်းရှိ ဓာတုပစ္စည်းသိုလှောင်ရုံတစ်ခုတွင် ဧပြီ ၂၃ ရက် အစောပိုင်းက မီးလောင်မှုဖြစ်ပွားခဲ့ရာ လူ ၁ ဦးသေဆုံးပြီး အခြားသူ ၁၄ ဦးဒဏ်ရာရရှိခဲ့ကြောင်း သိရသည်။

ဂျကာတာ၊ဧပြီ ၂၂ ရက်(ဆင်ဟွာ)

သင်္ဘောသား ၅၃ ဦး လိုက်ပါသွားသည့် အင်ဒိုနီးရှားရေငုပ်သင်္ဘောတစ်စင်းသည် ဘာလီကျွန်း ပင်လယ်ပြင်တွင် လေ့ကျင့်ရေးဆောင်ရွက်နေစဉ် ရေတပ်နှင့် အဆက်အသွယ်ပြတ်တောက်သွားကြောင်း အင်ဒိုနီးရှားရေတပ်ပြောရေးဆိုခွင့်ရှိသူတစ်ဦးက သတင်းမီဒီယာသို့ ဧပြီ ၂၁ ရက်တွင် ပြောကြားခဲ့သည်။

နယူးဒေလီ၊ ဧပြီ ၂၀ ရက် (ဆင်ဟွာ)

အိန္ဒိယနိုင်ငံတွင် အသက် ၁၈ နှစ်နှင့် အထက်ရှိသူများအားလုံးအနေဖြင့် မေ ၁ ရက်မှစတင်ကာ COVID-19 ကာကွယ်ဆေးထိုးနှံခွင့် ရရှိမည်ဖြစ်ကြောင်း ဖက်ဒရယ်အစိုးရက ဧပြီ ၁၉ ရက်၌ ပြောကြားခဲ့သည်။

ဒါကာ ၊ ဧပြီ ၁၉ ရက်(ဆင်ဟွာ)

ဘင်္ဂလားဒေ့ရှ်နိုင်ငံ၌ ဧပြီ ၁၈ ရက်တွင် ကိုရိုနာဗိုင်းရပ်စ် ကပ်ရောဂါကြောင့် သေဆုံးသူ ၁၀၂ ဦး နှင့်အတူ ယခုထိ COVID-19 ကြောင့် အသေအပျောက်အများဆုံးနေ့ ဖြစ်ကြောင်း သိရသည်။

ဖနွမ်းပင် ၊ ဧပြီ ၁၈ ရက် (ဆင်ဟွာ)

ကမ္ဘောဒီးယားနိုင်ငံက တရုတ်နိုင်ငံမှ ဝယ်ယူထားသော Sinovac COVID-19 ကာကွယ်ဆေး ဒုတိယသုတ်သည် ဖနွမ်းပင်မြို့သို့ ဧပြီ ၁၇ ရက်တွင် ရောက်ရှိလာခဲ့ကြောင်း သိရသည်။

ဂျကာတာ ၊ ဧပြီ ၁၂ ရက်(ဆင်ဟွာ)
အင်ဒိုနီးရှားနိုင်ငံ အနောက်ပိုင်းပြည်နယ် တစ်ခုဖြစ်သည့် အရှေ့ဂျာဗားပြည်နယ်တွင် ဧပြီ ၁၀ ရက်အစောပိုင်းက လှုပ်ခတ်ခဲ့သော ပြင်းအား ၆.၁ အဆင့်ရှိ ငလျင်ကြောင့် သေဆုံးသူအရေအတွက်သည် ၈ ဦးထိရှိလာပြီး အခြား ၃၉ ဦးထိခိုက်ဒဏ်ရာရရှိသွားကြောင်း အမျိုးသားသဘာဝဘေးအန္တရာယ်စီမခံခန့်ခွဲမှုအေဂျင်စီက ဧပြီ ၁၁ ရက်တွင် ပြောကြားခဲ့သည်။

ဂျကာတာ၊ဧပြီ ၁၁ ရက်(ဆင်ဟွာ)

အင်ဒိုနီးရှားနိုင်ငံ အရှေ့နျူဆာတန်ဂါရာပြည်နယ်တွင် အပူပိုင်း ဆိုင်ကလုန်းမုန်တိုင်း Seroja ကြောင့် သေဆုံးသူအရေအတွက်မှာ ၁၇၄ ဦးထိ ရောက်ရှိသွားပြီဖြစ်ကြောင်း အမျိုးသားသဘာဝဘေးအန္တရာယ်စီမံခန့်ခွဲမှုအေဂျင်စီက ဧပြီ ၁၀ ရက်တွင် ပြောကြားခဲ့သည်။

ဂျကာတာ ၊ ဧပြီ ၉ ရက် (ဆင်ဟွာ)

အင်ဒိုနီးရှားနိုင်ငံ အမျိုးသားသဘာဝဘေးတိုက်ဖျက်ရေးဌာန၏ ဧပြီ ၈ ရက်ထုတ်ပြန်ချက်အရ အင်ဒိုနီးရှားနိုင်ငံတွင် လတ်တလောရက်ပိုင်းအတွင်း အပူပိုင်းဆိုင်ကလုန်းမုန်တိုင်းဖြတ်သန်းသဖြင့် ဖြစ်ပွားခဲ့သည့် ဆိုးရွားသည့် ရာသီဥတုကြောင့် သေဆုံးခဲ့ရသူ စုစုပေါင်းမှာ ၁၆၅ ဦးအထိ ရောက်ရှိလာခဲ့ပြီး လူပေါင်း ၄၅ ဦး ပျောက်ဆုံးနေကြောင်း သိရှိရသည်။