Connect with us

Local

ကျပ်သန်း ၃၀၀ ကျော်ခန့်ရှိ အကောက်ခွန်မဲ့ ပစ္စည်းများ ဇွန်လ တတိယ အပတ်အတွင်း သိမ်းဆည်းရမိ

သိမ္းဆည္းရမိသည့္ အေကာက္ခြန္မဲ့ ပစၥည္း တစ္ခ်ဳိ ့အား ေတြ ့ရစဥ္(ဓာတ္ပုံ- The Mirror Daily)

ရန်ကုန် ၊ ဇွန် ၂၅ ရက်(ဆင်ဟွာ)

အကောက်ခွန်မဲ့ ပစ္စည်းများအား တားဆီး စစ်ဆေး အရေးယူလျက် ရှိရာ ဇွန် ၁၆ ရက်မှ ၂၂ ရက် အတွင်း စုစုပေါင်း တားဆီးမှု ၅၄ မှုမှ ခန့်မှန်း တန်ဖိုး ကျပ် ၃၃၉ ဒသမ ၃၂၅၁ သန်းခန့်ရှိ အကောက်ခွန်မဲ့ ပစ္စည်းများအား အကောက်ခွန် ဦးစီးဌာနမှ သိမ်းဆည်း ရမိခဲ့ကြောင်း ပြန်ကြားရေး ဝန်ကြီးဌာနမှ ထုတ်ပြန်မှု အရ သိရသည်။

ယခု ဇွန်လ အတွင်း အကောက်ခွန်မဲ့ ပစ္စည်းများအား ဇွန်လ ပထမအပတ် အတွင်း စုစုပေါင်း တားဆီးမှု ၈၈ မှုမှ ခန့်မှန်း တန်ဖိုး ကျပ် ၇၈၄.၆၄၂၅ သန်းခန့်၊ ဇွန်လ ဒုတိယ အပတ် အတွင်း စုစုပေါင်း တားဆီးမှု ၇၇ မှုမှ ခန့်မှန်း တန်ဖိုး ကျပ် ၅၉၇ ဒသမ ၂၉၂၄ သန်းခန့်ရှိ အကောက်ခွန်မဲ့ ပစ္စည်းများအား သိမ်းဆည်း ရမိခဲ့ကြောင်း သိရသည်။

အကောက်ခွန်ဦးစီးဌာနမှ ရန်ကုန်အပြည်ပြည်ဆိုင်ရာလေဆိပ်၊ လေဆိပ် ကုန်လှောင်ရုံ၊ ဆိပ်ကမ်းများ၊ အထူးကင်း၊ ရေပူစစ်ဆေးရေးစခန်းနှင့် အကောက် ခွန်နယ်မြေဒေသအသီးသီးတို့တွင် တင်သွင်း/တင်ပို့ခွင့် စာရွက်စာတမ်း အထောက်အထား တစ်စုံတစ်ရာ တင်ပြ နိုင်ခြင်းမရှိသည့် အကောက် ခွန်မဲ့ပစ္စည်းများ သိမ်းဆည်းရမိခဲ့ခြင်းဖြစ်သည်။(Xinhua)