Environment, Disasters & Accidents
ဧရာဝတီတိုင်းဒေသကြီး တွင် မိုးသည်းထန်စွာ ရွာသွန်းမှုကြောင့် နေအိမ်၃၀၀ ကျော် ယာယီပြောင်းရွှေ့ရ
ရန်ကုန်၊ ဇွန် ၁၆ ရက် (ဆင်ဟွာ)
ဧရာဝတီတိုင်းဒေသကြီး မိုးသည်းထန်စွာရွာသွန်းမှုကြောင့် ပုသိမ်မြို့နယ် ဆိပ်ကြီးကျေးရွာပါ ကျေးရွာ/ရပ်ကွက် ၈ ခုအတွင်းရှိ နေအိမ် ၃၄၃ လုံးတို့အား ယာယီရွှေ့ပြောင်းခဲ့ပြီး စာသင်ကျောင်း ၁ ကျောင်း ခေတ္တပိတ်ထားခဲ့ကြောင်း ပြည်ထဲရေးဝန်ကြီးဌာနမှ ယနေ့သတင်းထုတ်ပြန်သည်။
၂၀၁၈ ခုနှစ်၊ ဇွန်လ ၁၅ ရက်နေ့တွင် မိုးရွာသွန်းမှုကြောင့် တောင်ကျရေများ ဆိပ်ကြီးချောင်း အတွင်းစီးဝင်သဖြင့်ထိုကဲ့သို့ ရေကြီးခဲ့ခြင်းဖြစ်ကြောင်း သိရသည်။
ထို့ပြင် ခြောက်ကောင်ကျေးရွာနှင့် ဆိပ်ကြီးကျေးရွာကြား ချောင်းသာ-ပုသိမ် ကားလမ်းပေါ်တွင် ရေကျော် နေသဖြင့် ယာဉ်လမ်းပိတ်ဆို့လျက်ရှိပြီး ခြောက်ကောင်ကျေးရွာရှိ နေအိမ် ၄၁ လုံး၊ စာသင်ကျောင်း ၁ ကျောင်း ရေနစ်မြုပ်လျက်ရှိသဖြင့် စာသင်ကျောင်းအား ခေတ္တပိတ်ထားကြောင်းနှင့် နေအိမ် ၁ လုံး ရေစီးဖြင့် မြောပါသွားခဲ့ကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)