စစ်ရေးလှုပ်ရှားမှုများကို နိုင်ငံအချုပ်အခြာအာဏာနှင့် နယ်မြေပိုင်နက်ပြည့်စုံမှု ထပ်မံခြိမ်းခြောက်မှု မရှိတော့သည်အထိ ဆက်လက်လုပ်ဆောင်သွားမည်ဟု ထိုင်းနိုင်ငံ ဆို

ဘန်ကောက်၊ ဒီဇင်ဘာ ၉ ရက် (ဆင်ဟွာ)

ထိုင်းနိုင်ငံ၏ ထိပ်တန်းဦးစားပေးလုပ်ဆောင်ချက်မှာ နိုင်ငံအချုပ်အခြာအာဏာနှင့် နယ်မြေပိုင်နက်ပြည့်စုံမှုကို ကာကွယ်ရန်ဖြစ်ပြီး နိုင်ငံအချုပ်အခြာအာဏာနှင့် နယ်မြေပိုင်နက်ပြည့်စုံမှုအား ခြိမ်းခြောက်မှု မရှိတော့သည်အထိ ထိုင်းနိုင်ငံ၏ စစ်ရေးလှုပ်ရှားမှုများကို ဆက်လက်လုပ်ဆောင်သွားမည်ဖြစ်ကြောင်း ထိုင်းနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Nikorndej Balankura က ဒီဇင်ဘာ ၈ ရက်တွင် ပြောကြားခဲ့သည်။

ထိုင်း-ကမ္ဘောဒီးယားနယ်စပ်အခြေအနေဆိုင်ရာ သတင်းစာရှင်းလင်းပွဲတွင် Nikorndej က ကမ္ဘောဒီးယားသည် “ပဋိပက္ခကို ဦးစွာနှိုးဆွပြီး အရေးဖြစ်ပွားသောအခါမှ ငြင်းဆို” သည့် ၎င်း၏ သုံးနေကျ နည်းဗျူဟာကို ထပ်တလဲလဲအသုံးပြုပြီး ထိုင်းနယ်မြေအတွင်း မြေမြှုပ်မိုင်းများထားရှိခြင်း အပါအဝင် ရန်စသည့်လုပ်ရပ်များကို အဆက်မပြတ်လုပ်ဆောင်ခဲ့ကြောင်း ပြောကြားခဲ့သည်။ ကမ္ဘောဒီးယားသည် တစ်ဖက်တွင် ငြိမ်းချမ်းရေးနှင့် ထိန်းထိန်းသိမ်းသိမ်းရှိမှုပုံရိပ်ကို ပြင်ပထံ ပြသနေသော်လည်း တစ်ဖက်တွင် ဆန့်ကျင်ဘက်လုပ်ဆောင်ချက်ကို လုပ်ဆောင်ကာ အပစ်အခတ်ရပ်စဲရေးသဘောတူညီချက်နှင့် ထိုင်း-ကမ္ဘောဒီးယား ငြိမ်းချမ်းရေးပူးတွဲကြေညာချက် ချိုးဖောက်ခဲ့ကြောင်း ပြောကြားခဲ့သည်။

ထိုင်းနိုင်ငံခြားရေးဝန်ကြီး Sihasak Phuangketkeow က အဆိုပါနေ့တွင် ထိုင်း- ကမ္ဘောဒီးယားနယ်စပ် နောက်ဆုံးအခြေအနေကို ထိုင်းနိုင်ငံရှိ နိုင်ငံအများအပြား၏ သံတမန်များထံ အကြောင်းကြားခဲ့ပြီး ထိုင်းနိုင်ငံ၏ လုပ်ဆောင်ချက်များသည် ကိုယ့်ကိုယ်ကိုယ်ကာကွယ်ရန် ရည်ရွယ်ချက်အတွက်သာဖြစ်ကြောင်း၊ နိုင်ငံတကာဥပဒေနှင့် လက်နက်အင်အားအသုံးပြုမှုစည်းမျဉ်းများကို လိုက်နာပြီး စစ်ရေးရည်မှန်းချက်များကိုသာ ပစ်မှတ်ထားကြောင်း ထပ်လောင်းပြောကြားခဲ့သည်။ (Xinhua)
……………………
(Chinese Version)
泰方说军事行动将持续到主权及领土完整不再受威胁
新华社曼谷12月8日电（记者陈倩慈　常天童）泰国外交部发言人尼康德8日说，泰国的首要任务是捍卫国家主权与领土完整，泰方的军事行动将持续到国家主权及领土完整不再受到威胁。
尼康德在有关泰柬边境局势的新闻发布会上说，柬埔寨反复采取“先挑起冲突、事后又否认”的惯用伎俩，不断实施包括在泰国境内埋设地雷等挑衅行为。柬方一边对外营造呼吁和平、克制的形象，一边采取相反行动、违反停火协议及泰柬和平联合声明。
尼康德还说，泰国外长西哈萨·蓬集格当天下午已向多国驻泰使节通报泰柬边境最新局势，并重申泰方行动出于自卫目的、遵循国际法及武力使用规则、且仅针对军事目标。
图说：12月8日，在泰国武里南府，撤离边境省份的民众在一处避难所休息。新华社发