ဝမ်ရိနှင့် အမေရိကန် အောက်လွှတ်တော် ကိုယ်စားလှယ်အဖွဲ့ တွေ့ဆုံဆွေးနွေး

ပေကျင်း၊ စက်တင်ဘာ ၂၄ ရက် (ဆင်ဟွာ)
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး ဝမ်ရိသည် Adam Smith ဦးဆောင်သော အမေရိကန်နိုင်ငံ အောက်လွှတ်တော်ကိုယ်စားလှယ်အဖွဲ့အား စက်တင်ဘာ ၂၃ ရက်က တရုတ်နိုင်ငံ ပေကျင်းမြို့၌ တွေ့ဆုံဆွေးနွေးခဲ့သည်။ နှစ်ဖက်အနေဖြင့် ညှိနှိုင်းဆွေးနွေးဖလှယ်မှုများ တစ်ဆင့်တိုးမြှင့်ရန်၊ တရုတ်-အမေရိကန် ဆက်ဆံရေး တည်ငြိမ်၊ ကောင်းမွန်၍ စဉ်ဆက်မပြတ် ဖွံ့ဖြိုးတိုးတက်မှုကို တွန်းအားပေးရန်နှင့်စပ်လျဉ်း၍ ပွင့်လင်းနက်ရှိုင်းစွာ အမြင်သဘောထားချင်း ဖလှယ်ခဲ့ကြသည်။

ထိုသို့ တွေ့ဆုံရာတွင် ဝမ်ရိက နိုင်ငံ့အကြီးအကဲ သံတမန်ရေးသည် တရုတ်-အမေရိကန် ဆက်ဆံရေးတွင် အစားထိုးမရသည့် အရေးကြီးဦးဆောင်မှုအခန်းကဏ္ဍမှ ပါဝင်ကြောင်း၊ သမ္မတ ရှီကျင့်ဖိန်နှင့် သမ္မတ ထရမ့် တို့သည် ထိတွေ့ဆက်ဆံမှုကို ထိန်းသိမ်း၍ သုံးကြိမ်ဖုန်းဖြင့် ဆက်သွယ်ခဲ့ကြရာ တရုတ်-အမေရိကန် ဆက်ဆံရေး ကောင်းမွန်ရန်အတွက် အခြေခံကို အတိအလင်း သတ်မှတ်ခဲ့ကြသလို ဦးတည်ချက် လမ်းညွှန်ပေးခဲ့ကြောင်း၊ လက်ရှိ တရုတ်-အမေရိကန် ဆက်ဆံရေးသည် တည်ငြိမ်သည့်အနေအထား ဖြစ်ပေါ်လာသည်မှာ ခဲယဉ်းရာ တန်ဖိုးထားသင့်ကြောင်း အလေးထားပြောကြားခဲ့သည်။
နိုင်ငံကြီးနှစ်နိုင်ငံအနေဖြင့် တရုတ်-အမေရိကန်သည် ဆွေးနွေးဖလှယ်မှုများ မြှင့်တင်ရန်လိုအပ်သလို နားလည်မှုလွဲမှား၍ မှားယွင်းစွာ ဆုံးဖြတ်မှုများအား ရှောင်ရှားရန်၊ ထိပ်တိုက်ရင်ဆိုင်မှုများကို ကာကွယ်တားဆီးရန်၊ အပြန်အလှန်အကျိုးဖြစ်ထွန်းသည့် ပူးပေါင်းဆောင်ရွက်မှုကို တွန်းအားပေးရန်၊ နိုင်ငံကြီးတာဝန်ကို အတူတကွထမ်းဆောင်ရန် လိုအပ်ကြောင်း ဝမ်ရိက ထောက်ပြပြောကြားခဲ့သည်။ (Xinhua)

———————
(Chinese Version)
王毅会见美国国会众议员代表团
新华社北京9月23日电　中共中央政治局委员、外交部长王毅23日在北京会见美国国会众议员代表团史密斯一行。双方就进一步加强沟通交流、推动中美关系稳定健康可持续发展坦诚、深入交换了意见。
王毅强调，元首外交对中美关系发挥着不可替代的重要引领作用。习近平主席同特朗普总统保持接触、三次通话，为改善发展中美关系确定了基调、指明了方向。当前中美关系出现企稳态势，来之不易，值得珍惜。
王毅指出，作为两个大国，中美需要加强交流对话，避免误解误判，防止对立对抗，推进互利合作，共担大国责任。（完）
1. 9月23日，中共中央政治局委员、外交部长王毅在北京会见美国国会众议员代表团史密斯一行。 新华社记者 才扬 摄