G20 ထိပ်သီးအစည်းအဝေး ကျင်းပမည့် ဟန်ကျိုးမြို့

ဟန်ကျိုး၊စက်တင်ဘာ ၂ ရက် (ဆင်ဟွာ)
၂ဝ၁၆ ခုနှစ် G20 ထိပ်သီးအစည်းအဝေးကို တရုတ်နိုင်ငံအရှေ့ပိုင်း ဟန်ကျိုးမြို့၌ စက်တင်ဘာ ၄ ရက်မှ ၅ ရက်အထိ ကျင်းပသွားမည်ဖြစ်သည်။
ဟန်ကျိုးမြို့သည် ကမ္ဘာ့အထင်ကရမြို့ကြီးများစာရင်းဝင် တရုတ်နိုင်ငံထဲက မြို့တစ်မြို့ဖြစ်ပြီး မြို့ အနောက်ပိုင်းရှိ သဘာဝရေကန်မှာ အထူးကျော်ကြားလူသိများပါသည်။ ၎င်းမြို့သို့ကမ္ဘာ့တစ်ဝန်းရှိ ထင်ရှားကျော်ကြားသူများစွာ လာရောက်လည်ပတ်ခဲ့ကြသလို အလွန်အရေးကြီးသော သမိုင်းဝင် နေ့ရက်ပေါင်းများစွာကိုလည်း မြင်တွေ့ခဲ့ကြရပြီး ဖြစ်သည်။
ဟန်ကျိုးမြို့တွင်ပိုးထည် ၊ လက်ဖက် နှင့် ကြွေထည် အများအပြားထွက်ရှိပြီး ရှေးဟောင်း ရေကြောင်းပိုးလမ်းမ၏ အရေးကြီးသော ကုန်သွယ်မှုဆိပ်ကမ်းမြို့ဖြစ်သည်။
ရေကြောင်းပိုးလမ်းမသည် လွန်ခဲ့သော နှစ်ပေါင်း ၂ဝဝဝ ကတည်းကဖြစ်သည်။ ရှေးဟောင်းကုန်သည်များသည် တရုတ်နိုင်ငံအရှေ့ဖက်ကမ်းခြေမှ ရွက်လွှင့်ပြီး အရှေ့တောင်အာရှ ၊ အိန္ဒိယ တောင်ပိုင်း နှင့် အာဖရိကအရှေ့ပိုင်းကို ဖြတ်ကျော်၍ ပါရှန်းပင်လယ်ကွေ့နှင့် မြေထဲပင်လယ်ထိ စီးပွားရေးကုန်သွယ်မှု နှင့် ယဉ်ကျေးမှုဖလှယ်ရေးများပြုလုပ်ခဲ့သည်။
တရုတ်နိုင်ငံသည် ရှေးဟောင်းရေကြောင်းပိုးလမ်းမကို ပြန်လည်ဖော်ထုတ်နေပြီး အဆိုပါဖြစ်စဉ်တွင် ဟန်ကျိုးမြို့သည် အရေးပါသောအခန်းကဏ္ဍ၌ ပါဝင်နေပါသည်။(Xinhua)