Environment, Disasters & Accidents
ဧရာဝတီမြစ် နှင့် ချင်းတွင်းမြစ် ရေသည် ဇူလိုင်လ ဒုတိယ(၁၀)ရက်ပတ်အတွင်း မြင့်တက်နိုင်
ရန်ကုန်၊ ဇူလိုင် ၈ ရက် (ဆင်ဟွာ)
ဧရာဝတီမြစ် နှင့် ချင်းတွင်းမြစ် ရေသည် ဇူလိုင်လ ဒုတိယ(၁၀)ရက်ပတ်အတွင်း မြင့်တက်နိုင်မှု အခြေအနေအား မိုးလေဝသ နှင့် ဇလဗေဒညွှန်ကြားမှုဦးစီးဌာန မှ သတင်းထုတ်ပြန်သည်။
ဧရာဝတီမြစ်ရေသည် ဇူလိုင်လ ဒုတိယ(၁၀)ရက်ပတ်အတွင်း မြစ်ကြီးနားမြို့၊ ဗန်းမော်မြို့၊ ရွှေကူမြို့၊ ကသာမြို့၊ သပိတ်ကျင်းမြို့၊ မန္တလေးမြို့၊စစ်ကိုင်းမြို့၊ မြင်းမူမြို့၊ ပခုက္ကူမြို့နှင့် ညောင်ဦးမြို့တို့တွင် ၄-ပေမှ ၇-ပေခန့်နှင့် ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် ၂-ပေမှ ၄-ပေခန့် မြင့်တက်လာ နိုင်ကြောင်း သိရသည်။
ချင်းတွင်းမြစ်ရေသည် ဇူလိုင်လ ဒုတိယ(၁၀)ရက်ပတ်အတွင်း ခန္တီးမြို့၊ ဟုမ္မလင်းမြို့ နှင့် ဖောင်းပြင်မြို့တို့တွင် ၅-ပေမှ ၇-ပေခန့်နှင့် မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့တို့တွင် ၂-ပေမှ ၄-ပေခန့် မြင့်တက်လာနိုင်သည်ဟု မိုးဇလ၏ ခန့်မှန်းချက်ထဲတွင် ပါရှိသည်။ (Xinhua)