Connect with us

Videos

သီရိလင်္ကာနိုင်ငံ၌ လောင်စာဆီပြတ်လပ်မှုကြောင့် ပိတ်ထားသော စာသင်ကျောင်းများ ပြန်လည်ဖွင့်လှစ်

ကိုလံဘို၊ ဇူလိုင် ၂၆ ရက် (ဆင်ဟွာ)

သီရိလင်္ကာနိုင်ငံတွင် လောင်စာဆီပြတ်လပ်မှုကြောင့် တစ်လနီးပါးခန့် စာသင်ကျောင်းများပိတ်ထားရာမှ ဇူလိုင် ၂၅ ရက်တွင် အစိုးရကျောင်းများနှင့် အစိုးရအသိအမှတ်ပြုကိုယ်ပိုင်ကျောင်းများအား ပြန်လည်ဖွင့်လှစ်ခဲ့သည်။

သို့ရာတွင် စာသင်ကျောင်းများအား တစ်ပတ်လျှင် တနင်္လာ၊ အင်္ဂါ နှင့် ကြာသပတေး ၃ ရက်သာ ဖွင့်လှစ်ဦးမည်ဖြစ်ပြီး ကျောင်းသားများအနေဖြင့် ကျန်ရှိသည့်ကျောင်းဖွင့်ရက်၂ ရက်ကိုမူ အွန်လိုင်းမှ တစ်ဆင့် ကျောင်းသင်ခန်းစာများကို သင်ယူလေ့လာကြရမည်ဖြစ်သည်။
ပညာရေးဝန်ကြီးဌာနက စာသင်နှစ် ပထမကာလကို စက်တင်ဘာလ ၇ ရက်နေ့အထိတိုးမြှင့်ခဲ့သည်။

နိုင်ငံအတွင်း စာသင်နှစ်ပထမကာလ ပြီးဆုံးသည်အထိ ကျောင်းများတွင်စာမေးပွဲများကျင်းပမည်မဟုတ်ဘဲ အခြား အကဲဖြတ်စစ်ဆေးချက်များကို ပြောင်းလဲလုပ်ဆောင်ရန်ကျောင်းအုပ်များအား ညွှန်ကြားထားခဲ့သည်။

သီရိလင်္ကာနိုင်ငံ သမ္မတ Ranil Wickremesinghe က ကျောင်းကားများကို နိုင်ငံပိုင် လောင်စာဆီဆိုင်များအားလုံးမှ လောင်စာဆီဖြည့်သွင်းပေးရန် တာဝန်ရှိသူများကို ညွှန်ကြားထားသည်။

သီရိလင်္ကာနိုင်ငံတွင် စာသင်ကျောင်းများ၌ ကျောင်းသားများကို သယ်ယူပို့ဆောင်ပေးသည့် ယာဉ် အစီးရေပေါင်း ၄၀,၀၀၀ နီးပါးရှိသည်။
သီရိလင်္ကာနိုင်ငံသည် ယခုနှစ်အစောပိုင်းတွင် ငွေကြေးလဲလှယ်မှုပြဿနာများကြောင့် လောင်စာဆီပြတ်လပ်မှုကို ဆိုးဝါးစွာခံစားနေရသည့်နိုင်ငံဖြစ်သည်။ (Xinhua)

 

Continue Reading
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.