Environment, Disasters & Accidents
ပြင်ဦးလွင်မြို့နယ်၌ ယာဉ်တိမ်းမှောက်မှုကြောင့် ၁၃ ဦး ဒဏ်ရာရရှိ
ရန်ကုန်၊ မတ် ၂၈ ရက် (ဆင်ဟွာ)
မန္တလေးတိုင်းဒေသကြီး၊ ပြင်ဦးလွင်မြို့နယ်၌ ဒိုင်နာယာဉ် တိမ်းမှောက်မှုကြောင့် ၁၃ ဦး ဒဏ်ရာရရှိမှုဖြစ်ပွားခဲ့ကြောင်း ပြည်ထဲရေးဝန်ကြီးဌာန မှ ယနေ့သတင်းထုတ်ပြန်သည်။
ဖြစ်စဉ်မှာ ၂၀၁၈ ခုနှစ်၊ မတ်လ ၂၇ ရက်နေ့ ၁ရး၃၀ နာရီ အချိန် ပြင်ဦးလွင်-မန္တလေး ကားလမ်း မိုင်တိုင်(၂၅/၅-၆)ကြား ကျောက်ကြမ်းကွေ့၌ နိုင်ထူး၊(၃၀)နှစ် နေသူ မောင်းနှင်လာသည့် MD 9M/×××× Honda ဒိုင်နာယာဉ်သည် အရှိန်မထိန်းနိုင်ဘဲ လမ်းယာဘက်သို့ လဲကျတိမ်းမှောက်ခဲ့ရာ ယာဉ်မောင်း နိုင်ထူးမှာ ထွက်ပြေးသွားခဲ့ပါသည်။
ယာဉ်တိမ်းမှောက်မှုကြောင့် ယာဉ်ပေါ်ပါ ဒေါ်ခင်ဖော (၄၈)နှစ်တွင် နဖူး/ဝဲမျက်ခွံပေါက်ပြဲဒဏ်ရာ(စိုးရိမ်ရ)နှင့် ဦးမောင်သန်း၊(၃၇)နှစ်ပါ ၁၂ ဦး(ကျား ၃၊ မ ၉)တို့တွင် ပွန်းပဲ့ပေါက်ပြဲ ဒဏ်ရာများ(မစိုးရိမ်ရ) ရရှိခဲ့သဖြင့် ပြင်ဦးလွင်ဆေးရုံသို့ တင်ပို့ခဲ့ပြီး နိုင်ထူးအား ပြင်စာရဲကင်းစခန်းက ယာဉ်(ပ) ၂၀/၂၀၁၈၊ ရာဇသတ်ကြီးပုဒ်မ ၃၃၈/၃၃၇/၂၇၉(ပေါ့လျော့မှုကြောင့် ပြင်းထန်/သာမန်နာကျင်စေမှု/ ယာဉ်မဆင်မခြင်မောင်းနှင်မှု) ဖြင့် အမှုဖွင့်စစ်ဆေးလျက်ရှိကြောင်းသတင်းထုတ်ပြန်ချက်ထဲတွင်ပါရှိသည်။ (Xinhua)