Politics, Law & Military
လမ်းမတော်မြို့နယ်ရှိ အမှိုက်ပုံအတွင်း ကျည် ၂၄၂တောင့် စွန့်ပစ်သော အမျိုးသားနှစ်ဦးကို လက်နက်ဥပဒေပုဒ်မနှင့် အမှုဖွင့် စစ်ဆေး
ရန်ကုန်၊ အောက်တိုဘာ ၁၃ ရက် (ဆင်ဟွာ)
ရန်ကုန်တိုင်းဒေသကြီး လမ်းမတော်မြို့နယ်ရှိ အမှိုက်ပုံအတွင်း ကျည် ၂၄၂ တောင့်အား လာရောက် စွန့်ပစ်သော အမျိုးသားနှစ်ဦးကို လက်နက်ဥပဒေ ပုဒ်မနှင့် အမှုဖွင့် စစ်ဆေးလျက်ရှိကြောင်း လမ်းမတော်ရဲစခန်းထံမှ သိရသည်။
အဆိုပါ ကျည်တောင့်များအား လာရောက်ပစ်သော အမျိုးသားနှစ်ဦးကို (ပ)၁၄၅/ ၁၆ လက်နက်ဥပဒေပုဒ်မ ၁၉ (စ)နှင့် အမှုဖွင့် စစ်ဆေးနေကြောင်း ရဲအရာရှိတစ်ဦးက ပြောသည်။လမ်းမတော်မြို့နယ် အမှတ် ၃ ရပ်ကွက် အနော်ရထာလမ်းမကြီးဘေးရှိ မြို့နယ် ကျန်းမာရေးဌာန အနီးအနားရှိ အမှိုက်ပုံတွင် အောက်တိုဘာ ၁၂ ရက်နေ့ မနက် ၉ နာရီကျော်ကျော်လောက်က သစ်သားသေတ္တာတစ်လုံးကို စည်ပင်ဝန်ထမ်းမှ စတင်တွေ့ရှိခဲ့ပြီး ယင်းထင်းရူးသေတ္တာအဟောင်းအတွင်း ၉ မမ ကျည်အမျိုးစား ၂၄၂ နှစ်ထောင့်၊ ဆိုင်ကယ် ဦးထုပ်နှစ်ခု ၊ လျှပ်စစ် ကြွေမီးပူ တစ်ခုနှင့် ဓါတ်မီးတစ်ခုအား တွေ့ရသည်။(Xinhua)
Continue Reading