တတိယအကြိမ်မြောက် တရုတ်-အာဆီယံ ကာကွယ်ရေးကဏ္ဍ တတ်သိပညာရှင် နှီးနှောဖလှယ်ပွဲ ဖွင့်လှစ်ကျင်းပ

ကွေ့ယန်၊ ဇွန် ၂၀ ရက် (ဆင်ဟွာ)
တတိယအကြိမ်မြောက် တရုတ်-အာဆီယံ ကာကွယ်ရေးကဏ္ဍ တတ်သိပညာရှင် နှီးနှောဖလှယ်ပွဲ ကို ဇွန် ၁၉ ရက်က တရုတ်နိုင်ငံ ကွေ့ကျိုးပြည်နယ် ကွေ့ယန်မြို့တွင် ဖွင့်လှစ်ကျင်းပခဲ့သည်။ အဆိုပါအခမ်းအနားသို့ တရုတ်နိုင်ငံ၊ အာဆီယံ ၁၀ နိုင်ငံ၊ အရှေ့တီမောနိုင်ငံများမှ ကာကွယ်ရေးမူဝါဒ အရာရှိ၊ သက်ဆိုင်ကဏ္ဍ ကျွမ်းကျင်ပညာရှင်နှင့် တတ်သိပညာရှင်အဖွဲ့ ကိုယ်စားလှယ် ၁၆၀ ကျော် တက်ရောက်ခဲ့ကြသည်။

အဆိုပါနှီးနှောဖလှယ်ပွဲကို တရုတ်ပြည်သူ့လွတ်မြေက်ရေးတပ်မတော် စစ်သိပ္ပံအကယ်ဒမီက ကြီးမှူးကျင်းပခြင်း ဖြစ်ပြီး တရုတ်နိုင်ငံနှင့် အာဆီယံနိုင်ငံများ၏ ကာကွယ်ရေးကဏ္ဍ ဉာဏ်ပညာအင်အားများ စုစည်းနိုင်ရန်၊ မဟာဗျူဟာညှိနှိုင်းဆွေးနွေးမှုများ နက်ရှိုင်းစေရန်၊ လုံခြုံရေးကဏ္ဍ အပြန်အလှန် ယုံကြည်မှု တိုးမြှင့်စေရန်၊ ပို၍နီးကပ်မှုရှိသည့် တရုတ်-အာဆီယံ အေးအတူ ပူအမျှ အသိုက်အဝန်း တည်ဆောက်ရေးအတွက် ဉာဏ်ပညာပံ့ပိုးမှုပေးရန် ရည်ရွယ်ကျင်းပခြင်း ဖြစ်ကြောင်း သိရသည်။

ယခုအကြိမ်နှီးနှောဖလှယ်ပွဲကို “ဒေသတွင်းငြိမ်းချမ်းရေးအတူမြှင့်တင်ကာ အေးချမ်းသာယာသော မိသားစုဥယျာဉ် အတူတည်ဆောက်ရေး” ဟူသော ခေါင်းစဉ်ဖြင့် သုံးရက်ကြာကျင်းပမည် ဖြစ်ကြောင်း သိရသည်။
ယင်းကာလတွင် အခမ်းအနားတက်ရောက်သည့် ကိုယ်စားလှယ်များက “ကံကြမ္မာတူ၊ အကျိုးတူဖြစ်သော တရုတ်-အာဆီယံ ကာကွယ်ရေးကဏ္ဍ ပူးပေါင်းဆောင်ရွက်မှု လက်ရှိအခြေအနေနှင့် အနာဂတ်မျှော်မှန်းချက်” ဟူသော ဆွေးနွေးမှုခေါင်းစဉ်ကို ဗဟိုပြု၍ နက်ရှိုင်းစွာ ဆွေးနွေးသွားမည်ဖြစ်သည်။

တရုတ်-အာဆီယံ ကာကွယ်ရေးကဏ္ဍ ပူးပေါင်းဆောင်ရွက်မှုမှ ရရှိသော အပြုသဘောတိုးတက်မှုများကို ပြန်လည်အောက်မေ့ခြင်း၊ လက်ရှိ ဒေသတွင်းလုံခြုံရေးအခြေအနေ ရင်ဆိုင်နေရသော အခွင့်အလမ်းသစ်နှင့် စိန်ခေါ်မှုအသစ်များအား သုံးသပ်ခြင်းနှင့် အပြန်အလှန်ယုံကြည်မှု နက်ရှိုင်းရန်၊ ပူးပေါင်းဆောင်ရွက်မှုကဏ္ဍ တိုးချဲ့ရန် ၊ ပူးပေါင်းဆောင်ရွက်မှု ယန္တရား ဆန်းသစ်ဖန်တီးရန်၊ ဘုံလုံခြုံရေးခြိမ်းခြောက်မှုများကို ထိရောက်စွာ ရင်ဆိုင်ရန်စသည်တို့ကို မည်သို့ နက်ရှိုင်းစွာ ဆောင်ရွက်မည်နည်းနှင့်စပ်လျဉ်း၍ အမြင်သဘောထားများကို မျှဝေသွားမည်ဖြစ်ကြောင်း သိရသည်။ ထို့အပြင် “နိုင်ငံတကာအခင်းအကျင်း ဆင့်ကဲဖြစ်ပေါ်မှုအတွင်း အာဆီယံ၏အခန်းကဏ္ဍ”၊ “ဒေသတွင်းလုံခြုံရေးမူဘောင်အတွင်းက ယန္တရား ဆန်းသစ်ဖန်တီးမှု”၊ “ပင်လယ်ရေကြောင်းလုံခြုံရေးကဏ္ဍ ပူးပေါင်းဆောင်ရွက်မှုနှင့် အကျပ်အတည်းအန္တရာယ်စီမံထိန်းချုပ်မှု”၊ “ထွန်းသစ်စနည်းပညာ စစ်ဘက်ဆိုင်ရာ အသုံးချမှုနှင့် စီမံခန့်ခွဲမှု” စသည့် အဓိကဆွေးနွေးမှုခေါင်းစဉ် ၄ ခုကို နက်ရှိုင်းစွာ ဆွေးနွေးဖလှယ်သွားမည် ဖြစ်ကြောင်း သိရသည်။

ပထမအကြိမ် တရုတ်-အာဆီယံ ကာကွယ်ရေးကဏ္ဍ တတ်သိပညာရှင် နှီးနှောဖလှယ်ပွဲကို ၂၀၁၉ ခုနှစ် အောက်တိုဘာလတွင် ကျင်းပခဲ့သည်။ (Xinhua)

——————–
(Chinese Version)
第三届中国-东盟防务智库交流活动开幕
新华社贵阳6月19日电（王慧、邢扬）第三届中国-东盟防务智库交流活动19日在贵州贵阳开幕。来自中国、东盟十国、东帝汶的防务政策官员、相关领域专家学者及智库代表等160余人参加活动。
交流活动由中国人民解放军军事科学院主办，旨在汇聚中国与东盟国家防务领域的智慧力量，深化战略沟通，增进安全互信，为构建更为紧密的中国-东盟命运共同体提供智力支持。
这届活动为期3天，以“共促地区和平 共建安宁家园”为主题，其间与会代表将围绕核心议题“命运与共：中国-东盟防务合作现状与愿景”展开深入研讨，回顾中国-东盟防务合作取得的积极进展，分析当前地区安全形势面临的新机遇与新挑战，并就如何深化互信、拓展合作领域、创新合作机制、有效应对共同安全威胁等分享见解，还将聚焦“国际格局演进中的东盟角色”“地区安全架构中的机制创新”“海上安全合作与危机管控”“新兴技术军事应用与治理”等4个关键议题进行深入交流。
首届中国-东盟防务智库交流活动于2019年10月举办。（完）
1. 这是6月19日拍摄的第三届中国-东盟防务智库交流活动现场。新华社记者 杨文斌 摄