ရုပ်ထွက်မြင့်မားသော မြေပုံဖတ်ဂြိုလ်တုအသစ်တစ်စင်း တရုတ်နိုင်ငံက ထပ်မံလွှတ်တင်

ထိုက်ယွမ်၊ ဇူလိုင် ၂၆ ရက် (ဆင်ဟွာ)

တရုတ်နိုင်ငံသည် အာကာသအတွင်းသို့ ရုပ်ထွက်မြင့်မားသော မြေပုံဖတ်ဂြိုဟ်တုအသစ်တစ်စင်းကို နိုင်ငံမြောက်ပိုင်း ဆန်းရှီးပြည်နယ် ထိုက်ယွမ် ဂြိုဟ်တုလွှတ်တင်ရေးစင်တာမှ ဇူလိုင် ၂၅ ရက်က လွှတ်တင်လိုက်ကြောင်း သိရသည်။Ziyuan III 03 ဂြိုဟ်တုကို Long March-4B ဒုံးပျံဖြင့် ပေကျင်းစံတော်ချိန် နံနက် ၁၁:၁၃ နာရီက လွှတ်တင်ခဲ့ခြင်းဖြစ်သည်။ ထိုသို့လွှတ်တင်မှုသည် Long March စီးရီး၏ ၃၄၁ ကြိမ်မြောက် လွှတ်တင်ခြင်း ဖြစ်သည်။

ဒုံးပျံနှင့်အတူ ဂြိုဟ်တုနှစ်စင်းကိုလည်း သယ်ဆောင်သွားခြင်းဖြစ်ပြီး အလင်းရောင်မရှိသောအရာများကို ရှာဖွေဖော်ထုတ်ခြင်းနှင့် စီးပွားရေးလုပ်ငန်းဆိုင်ရာ အချက်အလက်များကို ရှာဖွေစုဆောင်းခြင်းအတွက် အသီးသီးအသုံးပြုသွားမည် ဖြစ်သည်။ ၎င်းဂြိုဟ်တုများအား ရှန်ဟိုင်း ASES Spaceflight Technology ကုမ္ပဏီလီမိတက်က တီထွင်ခဲ့ခြင်း ဖြစ်သည်။စုစုပေါင်း ဂြိုဟ်တုသုံးစင်းသည် သတ်မှတ်ထားသော ဂြိုဟ်ပတ်လမ်းကြောင်းများအတွင်းသို့ ဝင်ရောက်သွားခဲ့ပြီဖြစ်ကြောင်း ထိုက်ယွမ်စင်တာရှိ သတင်းရင်းမြစ်များက ပြောကြားခဲ့သည်။  (Xinhua)