တရုတ် ပြည်သူ့ နိုင်ငံရေး ဆွေးနွေး ညှိနှိုင်းမှု ညီလာခံ (CPPCC)တွင် ညီလာခံကိုယ်စားလှယ်များက အကြံပြုချက်ပေါင်း ၅ဝဝဝ ကျော်တင်သွင်းခဲ့

ပေကျင်း ၊ မတ် ၁၄ ရက် (ဆင်ဟွာ)

၂ဝ၁၇ ခုနှစ် မတ်လ ၇ ရက်တွင် စတင်ခဲ့သည့် တရုတ် ပြည်သူ့ နိုင်ငံရေး ဆွေးနွေး ညှိနှိုင်းမှု ညီလာခံ (CPPCC) ၏ နှစ်ပတ်လည်အစည်းအဝေးအတွင်း တက်ရောက်လာကြသော ညီလာခံကိုယ်စားလှယ်များက အကြံပြုချက်ပေါင်း ၅၂၁ဝ ခုကို တင်သွင်းခဲ့ကြောင်း မတ်လ ၁၃ ရက် က ထုတ်ပြန်သော ညီလာခံ အစီရင်ခံစာတွင် ဖော်ပြထားသည်။

၎င်းတို့အနက် အကြံပြုချက်ပေါင်း ၄၁၅၆ ခုမှာ ပြန်လည်စိစစ်ပြီးနောက်ဆောင်ရွက်ခဲ့သော တရားဝင် စီမံကိန်းများဖြစ်ကြောင်း ၁၂ ကြိမ်မြောက် တရုတ် ပြည်သူ့ နိုင်ငံရေး ဆွေးနွေး ညှိနှိုင်းမှု ညီလာခံ (CPPCC) အမျိုးသား ကော်မတီ၏ ၅ ကြိမ်မြောက်အစည်းအဝေး၏ တံခါးပိတ်ဆွေးနွေးပွဲအပြီး ထုတ်ပြန်သော အစီရင်ခံစာအရသိရသည်။

အကြံပြုချက် စုစုပေါင်း၏ ၃၄.၇၂ ရာခိုင်နှုန်းသည် စီးပွားရေးဆိုင်ရာများ နှင့် ၁၁.၆၇ ရာခိုင်နှုန်းသည် နိုင်ငံရေးရာ ကိစ္စရပ်များဖြစ်ကြောင်း ၊ လူမှုရေးရာ နှင့် ဂေဟစနစ်ဆောင်ရွက်မှုများနှင့်သက်ဆိုင်သော အကြံပြုချက် မှာ ၃၅.၄၉ ရာခိုင်နှုန်း နှင့် ကျန်ရှိသော ၁ဝ.၁၃ ရာခိုင်နှုန်းမှာ အခြားအကြောင်းအရာများ ဖြစ်ကြောင်း အစီရင်ခံတွင် ဖော်ပြထားသည်။

ညီလာခံကိုယ်စားလှယ် စုစုပေါင်း ၁၉၄၅ ဦးက အကြံပြုလွှာများတင်သွင်းခဲ့သဖြင့် စုစုပေါင်း ညီလာခံကိုယ်စားလှယ်အားလုံး၏ ၈၈.၄၁ ရာခိုင်နှုန်းက အကြံပြုချက်များတင်သွင်းခဲ့ခြင်းဖြစ်ကြောင်း သိရသည်။(Xinhua)