တရုတ်နိုင်ငံ၏ ထိပ်တန်းနိုင်ငံရေးအကြံပေးပုဂ္ဂိုလ်နှင့် ဘင်္ဂလားဒေ့ရှ်နိုင်ငံခြားရေးဝန်ကြီး တွေ့ဆုံဆွေးနွေး

ပေကျင်း၊ မေ ၇ ရက် (ဆင်ဟွာ)

တရုတ်နိုင်ငံ၏ ထိပ်တန်းနိုင်ငံရေးအကြံပေးပုဂ္ဂိုလ် ဝမ်ဟုနင်က ဘင်္ဂလားဒေ့ရှ်နိုင်ငံခြားရေးဝန်ကြီး Khalilur Rahman နှင့် တရုတ်နိုင်ငံ မြို့တော်ပေကျင်းတွင် မေ ၆ ရက်၌ တွေ့ဆုံဆွေးနွေးခဲ့သည်။
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရို အမြဲတမ်းကော်မတီဝင်နှင့် တရုတ်ပြည်သူ့နိုင်ငံရေးအတိုင်ပင်ခံကွန်ဖရင့် (CPPCC) ပြည်လုံးဆိုင်ရာကော်မတီဥက္ကဋ္ဌဖြစ်သူ ဝမ်က တရုတ်နိုင်ငံအနေဖြင့် ငြိမ်းချမ်းစွာအတူယှဉ်တွဲနေထိုင်ရေး မူကြီးငါးရပ်အပေါ် အခြေခံ၍ ဘင်္ဂလားဒေ့ရှ်နိုင်ငံနှင့် ချစ်ကြည်ရင်းနှီးသောဆက်ဆံရေးကို ဆက်လက်တည်ဆောက်သွားမည်ဟု ပြောကြားခဲ့သည်။

နှစ်နိုင်ငံအနေဖြင့် နှစ်နိုင်ငံပြည်သူများအတွက် ပိုမိုကောင်းမွန်သော အကျိုးကျေးဇူးရရှိစေရေးအတွက် အဆင့်မြင့်အလွှာဖလှယ်မှုများကို ခိုင်မာစွာလုပ်ဆောင်ရန်၊ အပြန်အလှန် ခိုင်မာစွာထောက်ခံရန်၊ နယ်ပယ်အသီးသီးတွင် ပူးပေါင်းဆောင်ရွက်မှုကို နက်ရှိုင်းစေရန်နှင့် တရုတ်-ဘင်္ဂလားဒေ့ရှ် ဘက်စုံမဟာဗျူဟာမြောက် ပူးပေါင်းဆောင်ရွက်မှုမိတ်ဖက်ဆက်ဆံရေး၏ နက်ရှိုင်း၍ ခြေခြေမြစ်မြစ်ဖြစ်သော ဖွံ့ဖြိုးတိုးတက်မှုကို မြှင့်တင်ရန် ဝမ်က တိုက်တွန်းခဲ့သည်။ ယင်းကိစ္စနှင့်စပ်လျဉ်း၍ CPPCC ပြည်လုံးဆိုင်ရာကော်မတီအနေဖြင့်လည်း အပြုသဘောဆောင်သော ပံ့ပိုးကူညီမှုများ ပြုလုပ်ရန် ဆန္ဒရှိကြောင်း ၎င်းက ဖြည့်စွက်ပြောကြားခဲ့သည်။

တရုတ်နိုင်ငံမှာ ဘင်္ဂလားဒေ့ရှ်နိုင်ငံ၏ စစ်မှန်သော မိတ်ဆွေတစ်ဦးဖြစ်ကြောင်း ထောက်ပြလျက် Rahman ကလည်း ဘင်္ဂလားဒေ့ရှ်နိုင်ငံအနေဖြင့် ၎င်း၏ သံတမန်ရေးတွင် တရုတ်နိုင်ငံကို ဦးစားပေးအဖြစ် အစဉ်အမြဲသတ်မှတ်ကြောင်း၊ တရုတ်တစ်နိုင်ငံတည်းမူဝါဒကို ခိုင်မာစွာ လိုက်နာကြောင်း၊ ကုလသမဂ္ဂ အထွေထွေညီလာခံ ဆုံးဖြတ်ချက်အမှတ် ၂၇၅၈ မှာ သံသယဖြစ်ဖွယ်မရှိဟု ခိုင်မာစွာ ယုံကြည်ကြောင်းနှင့် တရုတ်နိုင်ငံ၏ အမျိုးသားပြန်လည်ပေါင်းစည်းရေးကို ခိုင်မာစွာ ထောက်ခံကြောင်း ပြောကြားခဲ့သည်။

ဘင်္ဂလားဒေ့ရှ်နိုင်ငံအနေဖြင့် တရုတ်နိုင်ငံနှင့် သမိုင်းဝင် ချစ်ကြည်ရင်းနှီးမှုကို ဆက်လက်ထိန်းသိမ်းရန်၊ လက်တွေ့ကျသော ပူးပေါင်းဆောင်ရွက်မှုကို ခိုင်မာစေရန်နှင့် နှစ်နိုင်ငံဆက်ဆံရေးကို ပိုမိုမြင့်မားသော အဆင့်သို့ မြှင့်တင်ရန် မျှော်မှန်းသည်ဟုလည်း Rahman က ဖြည့်စွက်ပြောကြားခဲ့ကြောင်း သိရသည်။ (Xinhua)

တရုတ်ကွန်မြူနစ်ပါတီ ဗဟိုကော်မတီ (CPC) နိုင်ငံရေးဗျူရို အမြဲတမ်းကော်မတီဝင်နှင့် တရုတ်ပြည်သူ့နိုင်ငံရေးအတိုင်ပင်ခံကွန်ဖရင့် ပြည်လုံးဆိုင်ရာကော်မတီဥက္ကဋ္ဌဖြစ်သူ ဝမ်ဟုနင်နှင့် ဘင်္ဂလားဒေ့ရှ်နိုင်ငံခြားရေးဝန်ကြီး Khalilur Rahman တို့ တရုတ်နိုင်ငံ မြို့တော်ပေကျင်းတွင် ၂၀၂၆ ခုနှစ် မေ ၆ ရက်က တွေ့ဆုံကြစဉ် (ဆင်ဟွာ)

……………….
(English Version)
China’s top political advisor meets Bangladeshi FM
BEIJING, May 6 (Xinhua) — China’s top political advisor Wang Huning met with Bangladeshi Foreign Minister Khalilur Rahman in Beijing on Wednesday.
Wang, a member of the Standing Committee of the Political Bureau of the Communist Party of China Central Committee and chairman of the National Committee of the Chinese People’s Political Consultative Conference (CPPCC), said China will continue to develop friendly relations with Bangladesh on the basis of the Five Principles of Peaceful Coexistence.
Wang called on the two sides to strengthen high-level exchanges, firmly support each other, deepen cooperation in various fields, and promote the in-depth and substantive development of the China-Bangladesh comprehensive strategic cooperative partnership, to better benefit the two peoples. The CPPCC National Committee is willing to make positive contributions in this regard, he added.
Noting China is a true friend of Bangladesh, Rahman said Bangladesh has always regarded China as a priority in its diplomacy, firmly adheres to the one-China principle, strongly believes that UN General Assembly Resolution 2758 is beyond doubt, and steadfastly supports China’s national reunification.
Bangladesh looks forward to carrying forward historical friendship with China, strengthening practical cooperation, and elevating bilateral relations to a higher level, Rahman added. ■
English Caption 1, 2
Wang Huning, a member of the Standing Committee of the Political Bureau of the Communist Party of China (CPC) Central Committee and chairman of the National Committee of the Chinese People’s Political Consultative Conference, meets with Bangladeshi Foreign Minister Khalilur Rahman in Beijing, capital of China, on May 6, 2026. (Xinhua/Liu Bin)