Connect with us

Education & Health

အခြေခံပညာကျောင်းများ နိုဝင်ဘာ ၁ ရက်တွင် ပြန်လည် ဖွင့်လှစ်မည်

ရန်ကုန်၊ အောက်တိုဘာ ၂၈ ရက် (ဆင်ဟွာ)

တိုင်းဒေသကြီး/ပြည်နယ် ၉ခုမှ မြို့နယ် (၄၆)မြို့နယ်မှ အပ ကျန်မြို့နယ်များမှ အခြေခံပညာကျောင်းများ(ပုဂ္ဂလိကကျောင်း၊ ဘုန်းတော်ကြီးသင်ပညာကျောင်းမျာယအပါအဝင်) နိုဝင်ဘာ ၁ ရက်နေ့တွင် ဖွင့်လှစ်မည်ဖြစ်ကြောင်း ပြန်ကြားရေးဝန်ကြီးဌာန၏ ယနေ့ အောက်တိုဘာ ၂၈ ရက် ညထုတ်ပြန်သောသတင်းအရ သိရသည်။COVID-19 ရောဂါကူးစက်မှုအား ကာကွယ်၊ထိန်းချုပ်ခြင်းလုပ်ငန်းများဆောင်ရွက်ရာတွင် ဓာတ်ခွဲအတည်ပြုလူနာသစ်တွေ့ရှိမှု၊ လွန်ခဲ့သော ၁၄ရက်အတွင်း လူဦးရေ ၁သိန်းလျှင် ဓာတ်ခွဲလူနာတွေ့ရှိမှုနှုန်းနှင့် ပိုးတွေ့ရာခိုင်နှုန်းများကို သုံးသပ်ဆန်းစစ်ပြီး ကျောင်းများပြန်လည်ဖွင့်လှစ်ခဲ့ကြောင်း သိရသည်။


ကျောင်းများပြန်လည်ဖွင့်လှစ်နိုင်ရန် အသက်၁၂နှစ်မှ ၁၈ နှစ် အလယ်တန်းနှင့် အထက်တန်း ကျောင်းသား/သူများအား တစ်နိုင်ငံလုံး အတိုင်းအတာဖြင့် COVID-19 ကာကွယ်ဆေးထိုးနှံခြင်း အစီအစဉ်အရ ရန်ကုန်တိုင်းဒေသကြီး၊ စမ်းချောင်းမြို့နယ်၊ အ.ထ.က (၁) ကျောင်းတွင် တရုတ်ဆေးဝါကုမ္ပဏီမှ ထုတ်လုပ်သည့် Sinovac ကာကွယ်ဆေးအား အောက်တိုဘာ ၁၇ ရက်တွင် ကလေးများကို ထိုးနှံပေးနေသည့်မြင်ကွင်းများအားတွေ့ရစဉ် (ဆင်ဟွာ)

ဆက်လက် ပိတ်ထားမည့် တိုင်းဒေသကြီး/ပြည်နယ် ၉ခုမှ မြို့နယ် (၄၆)မြို့နယ်သည် ကချင်ပြည်နယ်ရှိ ေနာင်မွန်၊ ပူတာအို၊ ဗန်းမော်၊ မိုးကောင်း၊ မိုးညှင်းနှင့် ချီဖွေမြို့၊ ကယားပြည်နယ်ရှိ ဖားဆောင်း၊ဘော်လခဲနှင့် မယ်စဲ့မြို့နယ်၊ ကရင်ပြည်နယ်ရှိ ဖာပွန်နှင့် သံတောင်ကြီး၊ချင်းပြည်နယ်ရှိ ဖလန်းနှင့် ဟားခါးမြို့၊ စစ်ကိုင်းတိုင်းဒေသကြီးရှိ လေရှီးမြို့၊မကွေးတိုင်းဒေသကြီးရှိ ဆော၊ ထီးလင်း၊ကံမနှင့် ဆင်ပေါင်ဝဲ၊မန္တလေးတိုင်းဒေသကြီးရှိ မိတ္တီလာမြို့၊ရခိုင်ပြည်နယ် ဂွမြို့၊ ရှမ်းပြည်နယ်ရှိ နောင်ချို၊ ကျိုင်းထုံ၊မိုင်းဖြတ်၊မိုင်းယောင်း၊ ဆီဆိုင်၊ယင်းတယ၊ ပင်လောင်း၊ရပ်စောက်၊ ဟိုပုံး၊ ကွက်ခိုင်၊ နမ့်ခမ်း၊မဘိမ်း၊မိုင်းဆတ်၊မိုင်းတုံ၊ ကွမ်းလုံ၊လားရှိုး၊ သိန္နီ၊ မိုင်းနဲ၊ မိုင်းပမ်၊ မောက်မယ်၊ လင်းခင်း၊ ကွန်ဟိန်း၊နမ့်စန်၊မိုင်းရှူး၊ လဲချားနှင့် လွိုင်လင်မြို့တို့ဖြစ်ကြောင်း သိရသည်။(Xinhua)

 

Continue Reading
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.