Environment, Disasters & Accidents
ပခုက္ကူ ကန်တော်ဆည် ကျိုးပေါက်ပြီး ကားလမ်း ရေကျော်မှုဖြစ်ပွား
ရန်ကုန်၊ ဇွန် ၇ ရက် (ဆင်ဟွာ)
ပခုက္ကူမြို့နယ်၊ ကန်တော်ကျေးရွာအုပ်စု၊ ကန်တော်ကျေးရွာ၊ ကန်တော်ဆည် ရေပိုရေလွှဲ ပေ (၃၀၀)ခန့် အနက်မှ ပေ(၁၀၀) ခန့် ဇွန် ၆ ရက်နေ့ နံနက် ၅ နာရီခန့်က ကျိုးပဲ့ခဲ့ပြီး ကားလမ်းရေကျော်မှု ဖြစ်ပွားခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
အဆိုပါ ရေပိုလွှဲမှ ရေကျော်မှုများကြောင့် ပခုက္ကူ-ကမ္မလမ်း မိုင်တိုင်အမှတ် ၁၁/၂ ကန်တော် အရှေ့ ရေကျော် တွင် ၁ ပေခန့် ရေကျော်မှုဖြစ် ပွားခြင်းကြောင့် ယာဉ်သွားလာမှု ခေတ္တရပ်ဆိုင်း ခဲ့ကြောင်းသိရသည်။
ထိုရေဝင် တိုက်စားကျိုးပဲ့သည့် ကန်တော်ဆည် တာဝန်ရှိသူများ စစ်ဆေးပြီး ရေပို လွှဲနှင့် ကန်ပေါင်များ ထပ်မံ မပျက်စီးစေရန်နှင့် လမ်းပန်းဆက်သွယ်မှု အခက် အခဲ မဖြစ်စေရန် တို့အတွက် ဒေသခံပြည်သူများနှင့်အတူ ပူးပေါင်း ၍ စက်အား၊ လူအားများဖြင့် ဝိုင်းဝန်း ဆောင်ရွက် ကြကြောင်း သိရသည်။(Xinhua)
Continue Reading