ဂျပန်နိုင်ငံတွင် ကျင်းပမည့် G20 ထိပ်သီးအစည်းအဝေး သို့ တက်ရောက်ရန်ဖိတ်ကြားချက်အား အီဂျစ်သမ္မတစီစီ လက်ခံရရှိ

ကိုင်ရို၊ မတ် ၁၂ ရက် (ဆင်ဟွာ)

ဂျပန်နိုင်ငံတွင် ဇွန်လ ဂျပန်နိုင်ငံ အိုဆာကာ မြို့တွင် ဇွန်၂၈ နှင့် ၂၉ရက်တွင် ကျင်းပမည့် G20 ထိပ်သီးအစည်းအဝေးအားတက်ရောက်ရန် ဂျပန်နိုင်ငံဝန်ကြီးချုပ် ရှင်ဇိုအာဘေး (Shinzo Abe) ၏ ဖိတ်ကြားချက်ကို အီဂျစ်နိုင်ငံသမ္မတ အဗ္ဗဒယ်လ်-ဖက်တာ အယ်လ်-စီစီ (Abdel-Fattah al-Sisi) အနေဖြင့် မတ်လ ၁၁ ရက်တွင် လက်ခံရရှိခဲ့ကြောင်း သိရသည်။

အီဂျစ်နိုင်ငံတွင် ဂျပန်နိုင်ငံမှ သံအမတ် နှင့် အစည်းအဝေးကျင်းပနေစဉ်ကာလအတွင်း သမ္မတစီစီက၎င်းဖိတ်ကြားချက်ကိုလက်ခံရရှိခဲ့ခြင်းဖြစ်ကြောင်း ပြောရေးဆိုခွင့်ရှိသူ ဘက်ဆန်ရယ်ဒီ(Bassam Rady)ထုတ်ပြန်ချက်တွင်ပါရှိသည်။

အာဖရိကသမဂ္ဂ ၏ လက်ရှိဥက္ကဋ္ဌအဖြစ်ဆောင်ရွက်နေစဉ် ၎င်းဖိတ်ကြားချက်က အာဖရိကတွင် အီဂျစ်နိင်ငံ၏ အနေအထားအားထင်ဟပ်စေကြောင်း ၎င်းပြောရေးဆိုခွင့်ရှိသူက ဖြည့်စွက်ပြောကြားသည်။

၎င်းG20 အစည်းအဝေးကို ၁၉၉၉ ခုနှစ်တွင် စတင်ခဲ့ပြီး၊ အဖွဲ့ဝင်နိုင်ငံများ ၏ နိုင်ငံတကာစီးပွားရေးပူးပေါင်းဆောင်ရွက်ခြင်း နှင့် ဆုံးဖြတ်ချက်ချခြင်း တို့အတွက် ထိပ်တန်းဖိုရမ် တစ်ခုဖြစ်သည်။ G20 အဖွဲ့တွင် နိုင်ငံပေါင်း ၁၉ နိုင်ငံ နှင့် ဥရောပသမဂ္ဂတို့ က အဖွဲ့ဝင်နိုင်ငံအဖြစ်ပါဝင်သည်။ (Xinhua)