တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ပူတင် တို့ တရုတ်-ရုရှား သံတမန်ဆက်ဆံရေး ထူထောင်ခြင်း ၇၅ နှစ်ပြည့် အထိမ်းအမှတ် ဂုဏ်ပြုသဝဏ်လွှာ အပြန်အလှန်ပေးပို့

ပေကျင်း၊ အောက်တိုဘာ ၂ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ပူတင် တို့သည် နှစ်နိုင်ငံ သံတမန် ဆက်ဆံရေး ထူထောင်ခြင်း ၇၅ နှစ်ပြည့် နှစ်ပတ်လည် အခမ်းအနားကို လှိုက်လှဲစွာ ဂုဏ်ပြုကြောင်း အောက်တိုဘာ ၂ ရက်က ဂုဏ်ပြုသဝဏ်လွှာ အပြန်အလှန်ပေးပို့ခဲ့သည်။ရှီကျင့်ဖိန်က တရုတ်-ရုရှားသည် အပြန်အလှန်အားဖြင့် အကြီးဆုံး အိမ်နီးချင်းနိုင်ငံများ ဖြစ်ကြသလို ကမ္ဘာ့အကြီးဆုံးနှင့် အဓိက ထွန်းသစ်စဈေးကွက်နိုင်ငံများ ဖြစ်ကြကြောင်း ပြောကြားခဲ့သည်။ သံတမန်ဆက်ဆံရေး ထူထောင်သည့် ၇၅ နှစ်ကြာ ကာလတွင် နှစ်ဖက်အနေဖြင့် နှစ်နိုင်ငံ၊ နှစ်နိုင်ငံ ပြည်သူများ၏ အခြေခံအကျိုးစီးပွားကို ရှေးရှုပြီး သမိုင်းအတွေ့အကြုံများကို နက်ရှိုင်းစွာ ခြုံငုံသုံးသပ်သည့် အခြေခံပေါ်တွင် တရုတ်-ရုရှား ဆက်ဆံရေး စဉ်ဆက်မပြတ် အရည်အသွေးမြင့် အဆင့်မြှင့်တင်ရေးကို တွန်းအားပေးဆောင်ရွက်ခဲ့ကြပြီး ထာဝရချစ်ကြည်ရင်းနှီးသော အိမ်နီးချင်းကောင်း ဆက်ဆံရေး၊ ဘက်စုံမဟာဗျူဟာ ညှိနှိုင်းဆောင်ရွက်ရေး၊ အပြန်အလှန် အကျိုးဖြစ်ထွန်းရေးနှင့် ပူးပေါင်းဆောင်ရွက်မှုဖြင့် ဘုံအကျိုးစီးပွားဖော်ဆောင်ရေးသည် နှစ်နိုင်ငံ ဆက်ဆံရေး၏ အနှစ်သာရ အရှိဆုံး ဝိသေသလက္ခဏာ ဖြစ်လာကြောင်း၊ အထူးသဖြင့် ခေတ်သစ်ကာလ မိမိနှင့် သမ္မတ ပူတင်တို့၏ အတူတကွ လမ်းညွှန်ဦးဆောင်မှုအောက်တွင် နှစ် ၁၀၀ ၌ မကြုံတွေ့ရဖူးသည့် အပြောင်းအလဲများကို ရင်ဆိုင်သည့်အခါ နှစ်ဖက်နိုင်ငံရေး အပြန်အလှန် ယုံကြည်မှုများ စဉ်ဆက်မပြတ် ပိုမို နက်ရှိုင်းလာပြီး လက်တွေ့ပူးပေါင်းဆောင်ရွက်မှု ရလဒ်များ သိသာထင်ရှားလာသလို ခေတ်အဆက်ဆက် ချစ်ကြည်ရေးသည် လူတို့စိတ်နှလုံးတွင် စွဲမြဲလျက်ရှိရာ နှစ်နိုင်ငံ ပြည်သူများ၏ အကျိုးစီးပွား တိုးတက်ရေး၊ တန်းတူညီမျှ စနစ်ကျသည့် ကမ္ဘာဗဟုအသွင်ပြောင်းရေးနှင့် အများအကျိုးဖြစ်ထွန်းသော အားလုံးပါဝင်မှုရှိသော ကမ္ဘာလုံးဆိုင်ရာစီးပွားရေးအသွင်ပြောင်းရေးကို တွန်းအားပေးရာတွင် အရေးကြီးသည့် အခန်းကဏ္ဍမှ ပါဝင်ခဲ့ပါကြောင်း ၎င်းက ဖော်ပြခဲ့သည်။

ရှီကျင့်ဖိန်က မိမိအနေဖြင့် တရုတ်-ရုရှား ဆက်ဆံရေး ဖွံ့ဖြိုးတိုးတက်ရေးအပေါ် အထူး အလေးထားရာ သမ္မတ ပူတင်နှင့်အတူ နှစ်နိုင်ငံ သံတမန်ဆက်ဆံရေး ထူထောင်သည့် ၇၅ နှစ်ပြည့် နှစ်ပတ်လည်အခါအခွင့်တွင် နှစ်ဖက်ဆက်ဆံရေး ရှေ့သို့ ဦးတည်လျှောက်လှမ်းရအောင် ခိုင်မာစွာ ဆောင်ရွက်သွားမည် ဖြစ်ပြီး တရုတ်-ရုရှား ဘက်စုံထောင့်စုံ လက်တွေ့ပူးပေါင်းဆောင်ရွက်များကို စဉ်ဆက်မပြတ် တိုးချဲ့ဆောင်ရွက်သွားလိုကြောင်း၊ နှစ်နိုင်ငံ အရည်အသွေးမြင့် ဖွံ့ဖြိုးတိုးတက်ရေးနှင့် ခေတ်မီအသွင်ပြောင်းမှု တည်ဆောက်ရေးကို အတူတကွ မြှင့်တင်ကာ ကမ္ဘာ့ ငြိမ်းချမ်းရေးနှင့် တည်ငြိမ်ရေးကို ကာကွယ်ထိန်းသိမ်းပြီး လူသားမျိုးနွယ် အေးအတူ ပူအမျှ အသိုက်အဝန်း တည်ဆောက်ရေးအတွက် အကျိုးသစ်များ ဆောင်ကြဉ်းသွားလိုကြောင်း အလေးထားပြောကြားခဲ့သည်။

ပူတင်က ရုရှား-တရုတ် သံတမန်ဆက်ဆံရေး ထူထောင်သည့် ၇၅ နှစ်ပြည့် နှစ်ပတ်လည်အခါသမယတွင် လှိုက်လှဲစွာ ဂုဏ်ပြုအပ်ပါကြောင်း ပြောကြားခဲ့သည်။ လွန်ခဲ့သည့် ရာစုနှစ် လေးပုံ သုံးပုံက မိမိတို့နိုင်ငံသည် တရုတ်ပြည်သူ့သမ္မတနိုင်ငံကို ကမ္ဘာတွင် ပထမဆုံး အသိအမှတ်ပြုခဲ့ပြီး တရုတ်နိုင်ငံတော်သစ် တည်ထောင်ခြင်းနှင့်အတူ နီးကပ်သည့် ညှိနှိုင်းပူးပေါင်းဆောင်ရွက်များကို လျင်မြန်စွာ တည်ဆောက်ခဲ့ပါကြောင်း၊ ရုရှား-တရုတ် နီးကပ်မှု၊ အပြန်အလှန် အကျိုးဖြစ်ထွန်းမှု ဆက်ဆံရေးသည် အချိန်၏ ဆန်းစစ်မှုကို အောင်မြင်စွာ ခံနိုင်ရည်ရှိခဲ့ရာ နိုင်ငံတကာနှင့်ဒေသရေးရာ ကိစ္စရပ်များတွင် ထိရောက်မှုမြင့်မားသည့် ညှိနှိုင်းပူးပေါင်းဆောင်ရွက်မှုများ ရှိခဲ့သလို တရားမျှတမှုရှိသော ဗဟိုအသွင် ကမ္ဘာ့ အခင်းအကျင်း တည်ဆောက်ရေးကို အတူတကွ ကြိုးပမ်းအားထုတ်ခဲ့ကြကြောင်း၊ နှစ်ဖက်စလုံးက မိမိနှင့် သမ္မတ ရှီကျင့်ဖိန် တွေ့ဆုံစဉ် ရရှိခဲ့သည့် သဘောတူညီချက်များကို ဘက်စုံအကောင်အထည်ဖော်ကာ ရုရှား-တရုတ် ခေတ်သစ် ဘက်စုံ မဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေးကို တစ်ဆင့်တိုး ခိုင်မာအောင်၊ ယူရေးရှား ကုန်းမြေနှင့် ကမ္ဘာလုံးဆိုင်ရာလုံခြုံရေး တည်ငြိမ်အောင် မြှင့်တင်မည်ဟု မိမိအနေဖြင့် ယုံကြည်ကြောင်း ၎င်းက ပြောကြားခဲ့သည်။ (Xinhua)
———————————

习近平同俄罗斯总统普京就中俄建交75周年互致贺电
新华社北京10月2日电　10月2日，国家主席习近平同俄罗斯总统普京互致贺电，热烈庆祝两国建交75周年。
习近平指出，中俄互为最大邻国，同为世界大国和主要新兴市场国家。建交75年来，双方从两国和两国人民的根本利益出发，在深刻总结历史经验的基础上，推动中俄关系不断提质升级，永久睦邻友好、全面战略协作、互利合作共赢成为两国关系最本质的特征。特别是新时代以来，在我同普京总统共同战略引领下，面对百年未有之大变局，双方政治互信持续加深，务实合作成果显著，世代友好深入人心，为增进两国人民福祉，推动平等有序的世界多极化和普惠包容的经济全球化作出重要贡献。
习近平强调，我高度重视中俄关系发展，愿同普京总统一道努力，以两国建交75周年为契机，牢牢把握双边关系前进的方向，不断拓展中俄全方位务实合作，共同促进两国高质量发展和现代化建设，为维护世界和平稳定、推动构建人类命运共同体作出新的贡献。
普京表示，值此俄中建交75周年之际，谨致以最诚挚的祝贺。四分之三个世纪前，我国在世界上第一个承认中华人民共和国并迅速同新中国建立起密切的协作关系。俄中紧密、互利的关系成功经受住了时间的考验。当前，俄中关系处于历史最高水平。双方在政治、经贸、科技等各领域积极开展合作，在国际和地区事务中高效协作，共同致力于构建公正的多极世界格局。我相信，双方将全面落实我同习近平主席会晤达成的一系列共识，进一步巩固俄中新时代全面战略协作伙伴关系，促进欧亚大陆及全球安全稳定。
1. 当地时间2023年3月21日下午，国家主席习近平在莫斯科克里姆林宫同俄罗斯总统普京举行会谈。这是普京在乔治大厅为习近平举行隆重欢迎仪式。新华社记者 谢环驰 摄