အမေရိကန် ဖျက်သင်္ဘောသုံးစင်း ဟော်မုဇ်ရေလက်ကြားမှ အောင်မြင်စွာဖြတ်သန်းခဲ့သည်ဟု ထရမ့် ဆို၊ သဘောတူညီချက်ကို “လျင်မြန်စွာ” လက်မှတ်ရေးထိုးရန် အီရန်အား တိုက်တွန်း

ဝါရှင်တန်၊ မေ ၈ ရက် (ဆင်ဟွာ)

အမေရိကန် ဖျက်သင်္ဘောသုံးစင်းသည် အီရန်၏တိုက်ခိုက်မှုများအတွင်း ဟော်မုဇ်ရေလက်ကြားမှ အောင်မြင်စွာဖြတ်သန်းသွားခဲ့ကြောင်း အမေရိကန် သမ္မတ ထရမ့်က မေ ၇ ရက်တွင် ပြောကြားခဲ့သည်။ တစ်ချိန်တည်းမှာပင် ၎င်းက အီရန်အနေဖြင့် သဘောတူညီချက်ကို “လျင်မြန်စွာ” လက်မှတ်ရေးထိုးရန်၊ သို့မဟုတ်ပါက အမေရိကန်သည် “ပိုမိုပြင်းထန်ပြီး ပိုမိုအကြမ်းဖက်သည့်” အစီအမံများဖြင့် တုံ့ပြန်တိုက်ခိုက်သွားမည်ဖြစ်ကြောင်း တိုက်တွန်းခဲ့သည်။

အမေရိကန် ဖျက်သင်္ဘောသုံးစင်းသည် ပစ်ခတ်တိုက်ခိုက်မှုများ ခံနေရသည့်ကြားမှ “အလွန်ချောမွေ့စွာ” ဟော်မုဇ်ရေလက်ကြားကို ဖြတ်သန်းသွားခဲ့ကြောင်း၊ ဤ ဖျက်သင်္ဘောသုံးစင်းသည် မည်သည့်ပျက်စီးဆုံးရှုံးမှုမျှမရှိခဲ့သော်လည်း အီရန်ဘက်က ပြင်းထန်သော ဆုံးရှုံးမှု ဖြစ်ပေါ်ခဲ့ကြောင်း၊ တိုက်ခိုက်မှုတွင် အသုံးပြုခဲ့သော အီရန်၏ ရေယာဉ်ငယ်၊ ဒုံးကျည်နှင့် ဒရုန်း အမြောက်အမြား ပျက်စီးခဲ့ကြောင်း ထရမ့်က လူမှုမီဒီယာတွင် ရေးသားဖော်ပြခဲ့သည်။

ဤ ဖျက်သင်္ဘောသုံးစင်းသည် အမေရိကန်စစ်တပ်၏ ပင်လယ်ပြင်ပိတ်ဆို့ရေးလှုပ်ရှားမှုတွင် တစ်ဖန်ပါဝင်မည်ဖြစ်ကြောင်း၊ “အဲဒါက တကယ့်ကို ‘သံမဏိတံတိုင်း’ ကြီးနော်” ဟု ထရမ့်က ကြွားဝါ၍ ပြောကြားခဲ့သည်။
“တကယ်လို့ သူတို့က သဘောတူညီချက်ကို မြန်မြန်လက်မှတ်မထိုးဘူးဆိုရင် အမေရိကန်အနေနဲ့ ပိုပြင်းထန်ပြီး ပိုအကြမ်းဖက်တဲ့ နည်းလမ်းတွေနဲ့ သူတို့ကို ပြင်းပြင်းထန်ထန်တိုက်ခိုက်သွားမယ်” ဟုလည်း ၎င်းက ပြောကြားခဲ့သည်။ (Xinhua)
…………………….
(Chinese Version)
特朗普：美3艘军舰成功穿越霍尔木兹海峡　敦促伊朗“迅速”签署协议
新华社华盛顿5月7日电（记者黄强　徐剑梅）美国总统特朗普7日称，3艘美国驱逐舰在伊朗的袭击中成功穿越霍尔木兹海峡。他同时敦促伊朗“迅速”签署协议，否则美方将以“更加猛烈、更加暴力的”手段进行打击。
特朗普在社交媒体上发文称，3艘美国驱逐舰刚刚在遭受火力攻击的情况下“极其顺利地”穿越了霍尔木兹海峡。这3艘驱逐舰毫发无损，但伊朗方面遭受了重创，伊朗用来攻击的众多小型船只、导弹和无人机都被摧毁。
特朗普称，这3艘驱逐舰将重新加入美军海上封锁行动，并自夸“这真可谓一道‘钢铁之墙’”。
他还称，“如果他们不迅速签署协议，美国将以更加猛烈、更加暴力的手段对他们进行沉重打击”。（完）
图说：5月1日，美国总统特朗普在首都华盛顿白宫南草坪接受媒体采访。新华社发（李源清摄）