Environment, Disasters & Accidents
ကျိုက်မရောမြို့၌ ခရီးသည်တင်ယာဉ် လမ်းချော်တိမ်းမှောက်ကာ ၂ ဦး သေဆုံး
ရန်ကုန် ၊ ဇွန် ၁၄ ရက်(ဆင်ဟွာ)
မွန်ပြည်နယ် ကျိုက်မရောမြို့ ခရုံဂူ ကျောက်မိုင်း အနီး၌ ဇွန် ၁၃ ရက်တွင် လမ်းချော်၍ ခရီးသည်တင်ယာဉ် တစ်စီး တိမ်းမှောက်မှု ဖြစ်ပွားကာ အမျိုးသား ၁ ဦး နှင့် အမျိုးသမီး ၁ ဦး သေဆုံးခဲ့ကြောင်း ပြန်ကြားရေး ဝန်ကြီးဌာန၏ သတင်း ထုတ်ပြန်မှု အရ သိရသည်။
ထိုခရီးသည်တင်ယာဉ်သည်ခရီးသည်များတင်ဆောင်၍ ဘားအံသို့အသွား ခရုံဂူကျောက်မိုင်းအနီး၌ လမ်းချော် တိမ်းမှောက်ရာ အမျိုးသမီး ၁၀ ဦး နှင့် အမျိုးသား ၅ ဦး ထိခိုက်ဒဏ်ရာ ရရှိခဲ့ကြောင်း သိရသည်။
ယာဉ်တိမ်းမှောက်မှု ဖြစ်စဉ်တွင် အမျိုးသား ၁ ဦးမှာ နေရာတွင် သေဆုံးခဲ့ပြီး အမျိုးသမီး ၁ ဦးမှာ မော်လမြိုင် ဆေးရုံကြီး အရောက်တွင် သေဆုံးသွားကြောင်း ၊ ဒဏ်ရာရ လူနာများအား ရာမညလူမှု ကယ်ဆယ်ရေး အသင်း ၊ မော်လမြိုင်လူမှုကယ် ဆယ်ရေးအသင်းမှ ယာဉ်များ စုစုပေါင်း ယာဉ် (၇)စီးဖြင့် မော်လမြိုင် ဆေးရုံကြီးသို့ ပို့ဆောင် ကူညီပေးခဲ့ကြောင်း သိရသည်။(Xinhua)