Environment, Disasters & Accidents
ကယားပြည်နယ်၌ ကမ်းပါးပြိုကျရာမှ လူတစ်ဦး ချောင်းအတွင်း မျောပါပျောက်ဆုံး
ရန်ကုန်၊ ဇွန် ၁၄ ရက် (ဆင်ဟွာ)
ကယားပြည်နယ် ဒီးမော့ဆိုမြို့နယ်တွင် ဇွန် ၁၃ ရက် ဘူးကလိန်ချောင်း ကမ်းပါးပြိုကျရာမှ လူတစ်ဦးချောင်းအတွင်း မျောပါပျောက်ဆုံးခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
မိမိလယ်တောသို့ လယ်ယာလုပ်ငန်းဆောင်ရွက်ရန် သွားရောက်နေစဉ် ဘူးကလိန်ချောင်း ကမ်းပါးပြိုကျရာမှ မနန်းတု (အသက်- ၁၈ နှစ်)သည် ချောင်းအတွင်း မျောပါပျောက်ဆုံး၍ မြို့နယ်မီးသတ်စခန်းမှ ရှာဖွေကယ်ဆယ်ရေး လုပ်ငန်းများ ဆောင်ရွက်လျက်ရှိကြောင်း သိရသည်။
မိုးအဆက်မပြတ် ရွာသွန်းမှုကြောင့် လိုဘာခို-ခူးပရားကျေးရွာ ချင်းဆက်လမ်းပေါ်သို့ အလျား ၁၇၀ ပေ၊ အနံ ၈၀ ပေရှိ မြေသားပြိုကျ၍ လမ်းပိတ်ဆို့မှုများလည်း ဖြစ်ပွားခဲ့ကြောင်း သိရသည်။
ထို့ပြင် ဇွန် ၁၃ ရက် ည ၈ နာရီအချိန်တွင် ဒီးမော့ဆိုကျေးရွာအုပ်စု ဈေးကုန်းရပ်ကွက်ဘေးရှိ ငွေတောင်ချောင်းမှ ရေကြီးရေလျှံမှုဖြစ်ပေါ်ခဲ့ပြီး နေအိမ် ၁၁ အိမ်ခန့် ရေဝင်ရောက်ခဲ့ရာ ချောင်းဘေးတွင် နေထိုင်သူ အိမ်ထောင်စု နှစ်စုအား ဘေးအန္တရာယ် မဖြစ်ပွားစေရေး နီးစပ်ရာဆွေမျိုးများထံ ပြောင်းရွေ့ပေးခဲ့ကြောင်း သိရသည်။(Xinhua)