ထောက်ခံဆန္ဒမဲ ၃၆၀ ဖြင့် ဦးထင်ကျော် သမ္မတဖြစ်ဟု ပြည်ထောင်စုလွှတ်တော် ကြေညာ

နေပြည်တော်၊ မတ် ၁၅ ရက် (ဆင်ဟွာ)

ပြည်ထောင်စု လွှတ်တော်တွင် ယနေ့ ဒုတိယ သမ္မတ သုံးဦးကို မဲခွဲပြီး ဆုံးဖြတ်ရာ ထောက်ခံမဲ ၃၆၀ ဖြင့် ပြည်သူ့လွှတ်တော်အစုအဖွဲ့ က တင်သွင်းသော ဦးထင်ကျော်သည် နိုင်ငံတော် သမ္မတ ဖြစ်သွားကြောင်း ပြည်ထောင်စု လွှတ်တော် နာယက ကကြေညာလိုက်သည်။

တပ်မတော်သားများ အစုအဖွဲ့ တင်သွင်းသော ဦးမြင့်ဆွေသည် ထောက်ခံမဲ ၂၁၃ မဲ ဖြင့် ဒုတိယ သမ္မတ (၁) ဖြစ်လာပြီး အမျိုးသားလွှတ်တော် အစုအဖွဲ့ က တင်သွင်းသော ဦးဟန်နရီ ဗန်ထီးယူသည် ထောက်ခံမဲ ၇၉ မဲဖြင့် ဒုတိယ သမ္မတ (၂) ဖြစ်လာသည်။

ယနေ့ ပြည်ထောင်စု လွှတ်တော်သို့ တက်ရောက်ခွင့်ရှိသော လွှတ်တော် ကိုယ်စားလှယ် ၆၅၃ ဦးရှိရာ ၆၅၂ ဦး တက်ရောက်ခဲ့သည်။

သမ္မတ ရွေးချယ် တင်မြှောက်ပွဲတွင် သမ္မတ ရွေးချယ်မှုအတွက် လျှို့ဝှက် ဆန္ဒမဲပေးရာ ပြည်ထောင်စု လွှတ်တော် နာယက နှင့် အမျိုးသားလွှတ်တော် ဥက္ကဋ္ဌ ၊ ပြည်သူ့လွှတ်တော် ဥက္ကဋ္ဌ ၊ ဒေါ်အောင်ဆန်းစုကြည် နှင့် ကျန် ကိုယ်စားလှယ်များ မဲပေးခဲ့သည်။

ပြည်ထောင်စု လွှတ်တော်တွင် မဲပုံး သုံးပုံးရှိရာ မဲပုံး ၁ တွင် မဲ အရေအတွက် ၂၄၀ ၊ မဲပုံး ၂ တွင် မဲအရေအတွက် ၁၉၄ နှင့် မဲပုံး ၃ တွင် မဲအရေအတွက် ၂၁၈ စုစုပေါင်း မဲအရေ အတွက် ၆၅၂ မဲရှိပြီး ဆန္ဒမဲပေးမှု အထမြောက်သည်။ (Xinhua)