Connect with us

Videos

တရုတ်-မြန်မာ နှစ်နိုင်ငံ ဖောင်ဒေးရှင်းများ ပူးပေါင်း၍ မျက်စိအလင်းရစေရန် အခမဲ့ ခွဲစိတ် ကုသပေးနေ

ရန်ကုန် ၊ သြဂုတ် ၁၂ ရက်(ဆင်ဟွာ)

မြန်မာနိုင်ငံရှိ မျက်စိအတွင်းတိမ်ဝေဒနာ ခံစားနေရသည့် လူနာများကို တရုတ်ပြည်သူ့ သမ္မတနိုင်ငံ ငြိမ်းချမ်းရေးနှင့် ဖွံ့ဖြိုးတိုးတက်ရေးဖောင်ဒေးရှင်း (CFPD) နှင့် မြန်မာနိုင်ငံ အလင်းရောင် ဖောင်ဒေးရှင်းတို့ ပူးပေါင်း၍ ယနေ့မှ စတင်၍ မျက်စိ အတွင်းတိမ် လူနာများအား အခမဲ့ခွဲစိတ်ကုသနေကြောင်း သိရသည်။

တရုတ်-မြန်မာ နှစ်နိုင်ငံ ဖောင်ဒေးရှင်းများ ယခုကဲ့သို့မျက်စိ အတွင်းတိမ် အခမဲ့ခွဲစိတ်ကုသပေးခြင်းမှာ မြန်မာနိုင်ငံ၌ လေးကြိမ်မြောက် ပြုလုပ်ခြင်း ဖြစ်ပြီး ယခုအကြိမ်တွင်တရုတ်နိုင်ငံ ကူမင်းမြို့ ပထမ ပြည်သူ့ဆေးရုံကြီးမှ ဒုတိယဆေးရုံအုပ် ပါမောက္ခ ဒေါက်တာ မီယန်းနှင့် အဖွဲ့မှ မျက်စိအတွင်းတိမ်လူနာ ၂၀၀ ဦးကို ခွဲစိတ်ကုသပေးရန် စီစဉ်ထားရှိသည့်အပြင် ပြီးခဲ့သည့်သုံးကြိမ်မြောက်အတွင်း ခွဲစိတ်ကုသခံခဲ့သူများ ကိုလည်း ပြန်လည်စစ်ဆေးပေးသွားရန် ရှိကြောင်း သိရသည်။ ၂၀၁၅ ခုနှစ် မျက်စိ အတွင်းတိမ် အခမဲ့ ခွဲစိတ် ကုသပေးခြင်းကို သြဂုတ်လ ၁၂ ရက်မှ ၁၆ ရက်အထိ ရန်ကုန်မြို့ မရမ်းကုန်း မြို့နယ်ရှိ မြို့တော် ဆေးခန်းတွင် ပြုလုပ်သွားမည်ဟု သိရသည်။

ယခုကဲ့သို့ (CFPD) နှင့် မြန်မာနိုင်ငံ အလင်းရောင် ဖောင်ဒေးရှင်းတို့လက်တွဲပူးပေါင်းဆောင်ရွက်ခြင်းသည် နှစ်နိုင်ငံ ချစ်ကြည်ရေး နှင့် ဆက်ဆံရေး ရေရှည်တည်တံ့ ခိုင်မြဲစေရန် ၊ နှစ်နိုင်ငံ ပြည်သူလူထုအကြား အပြန်အလှန် နားလည်မှုနှင့် ယုံကြည်မှု တည်ဆောက်ရန် ၊ ပြည်သူလူထု အကျိုးပြု လုပ်ငန်းများ အရှိန်အဟုန် မြှင့်တင်ဆောင်ရွက်ရန် တို့ဖြစ်ကြောင်း သိရသည်။

ယခုကဲ့သို့တရုတ်-မြန်မာ နှစ်နိုင်ငံ ဖောင်ဒေးရှင်းများ ပူးပေါင်း၍ မျက်စိအတွင်းတိမ် လူနာများကို အခမဲ့ ခွဲစိတ်ကုသပေးခြင်းကို ၂၀၁၁ ခုနှစ်တွင် အတွင်းတိမ် လူနာ ၂၄၈ ဦး ၊ ၂၀၁၃ ခုနှစ်တွင် ၃၆၁ ဦး ၊ ၂၀၁၄ ခုနှစ်တွင် ၁၈၂ ဦး စုစုပေါင်း လူနာ ၇၉၁ ဦးအထိ အောင်မြင်စွာ ခွဲစိတ်ပေးခဲ့ပြီး ဖြစ်ကြောင်း သိရသည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.