BRICS မီဒီယာဖိုရမ် ပေကျင်းတွင် ဖွင့်လှစ်

ပေကျင်း၊ ဇွန် ၈ ရက် (ဆင်ဟွာ)

BRICS နိုင်ငံများမှ မီဒီယာ အဖွဲ့အစည်းပေါင်း ၂၇ ခုမှ ခေါင်းဆောင်များက တရုတ်နိုင်ငံ မြို့တော် ပေကျင်းတွင် ဇွန်လ ၈ ရက်၌ ဖွင့်လှစ်သော BRICS မီဒီယာ ဖိုရမ်၌ တွေ့ဆုံကာ ပူးပေါင်းဆောင်ရွက်ရေး ကိစ္စရပ်များ ဆွေးနွေးခဲ့ကြောင်း သိရသည်။

ယင်း ဖိုရမ်၏ အဓိက အချက်မှာ “BRICS နိုင်ငံများအကြား မီဒီယာ ပူးပေါင်းဆောင်ရွက်ခြင်းဖြင့် နိုင်ငံတကာ မီဒီယာနယ်ပယ်အတွင်း ညီမျှမှုနှင့် တရားမျှတမှု မြှင့်တင်ရေး” ဖြစ်ပြီး ဆင်ဟွာ သတင်းအေဂျင်စီနှင့် ဘရာဇီး CMA Group ၊ ရုရှား Sputnik သတင်း အေဂျင်စီနှင့် ရေဒီယို၊ အိန္ဒိယ Hindu Group နှင့် တောင်အာဖရိက၏ Independent Media တို့ ပူးပေါင်း အဆိုပြုထားခြင်း ဖြစ်သည်။ (Xinhua)