Social, Education & Health
သုံးနှစ်အတွင်းကမ္ဘောဒီးယား ကလေးငယ် ၁၀၀ ကို တရုတ်နိုင်ငံကခွဲစိတ်ကုသပေးမည်
ဖနွမ်းပင်၊ဇန်နဝါရီလ ၁၂ ရက်(ဆင်ဟွာ)
တရုတ်ပြည်သူ့သမ္မတနိုင်ငံက “တရုတ်- ကမ္ဘောဒီးယား ချစ်ခြင်းမေတ္တာခရီးစဉ် “ ဟုအမည်ပေးထား
သောအစီအစဉ်အရနာတာရှည်နှလုံးရောဂါခံစားနေရသော ကမ္ဘောဒီးယားကလေးငယ် ၁၀၀ ကိုသုံးနှစ်
အတွင်း အခမဲ့ခွဲစိတ်ကုသမှုပြုပေးမည်ဖြစ်ကြောင်းသိရသည်။
အဆိုပါအစီအစဉ်ကို ကမ္ဘောဒီးယားသို့ချစ်ကြည်ရေးခရီးရောက်ရှိနေသော တရုတ်နိုင်ငံဝန်ကြီးချုပ် လီ
ခဲ့ချန် နှင့် ကမ္ဘောဒီးယားဝန်ကြီးချုပ် ဆမ်ဒက်ဟွန်ဆန် တို့ကဖနွမ်းပင်မြို့ရှိ ငြိမ်းချမ်းရေးနန်းတော်တွင်
ဇန်နဝါရီလ ၁၁ ရက်၌ သဘောတူစတင်ခဲ့ကြခြင်းဖြစ်သည်။ အစီအစဉ်အရတရုတ်ဆေးဘက်ဆိုင်ရာ
ပညာရှင်များကလည်းကမ္ဘောဒီးယားဆေးဘက်ဆိုင်ရာပညာရှင်များ ကို လက်တွေ့သင်ကြားပို့ချမှုများ
ပြုလုပ်သွားမည်ဖြစ်ကာ ၎င်းတို့အနေဖြင့် တရုတ်နိုင်ငံသို့လည်း လေ့ကျင့်ရေးသွားရောက်ရန် အခွင့်အ
ရေးများ ရရှိမည်ဖြစ်သည်။
ထို့ပြင် နှစ်နိုင်ငံဝန်ကြီးချုပ်များက တရုတ်-ကမ္ဘောဒီးယားချစ်ကြည်ရေးအထိမ်းအမှတ် ပရီကိုဆာမက်
ဆေးရုံနှင့် တီဘောင်ခမန် ပြည်နယ်ဆေးရုံတို့ရှိ စီမံကိန်းများကိုလည်းစတင်ပေးခဲ့ကြသည်။ ပရီကိုဆာ
မက် ဆေးရုံ မှာသက်တမ်းနှစ် ၁၀၀ ကျော်ရှိပြီဖြစ်ကာ ဖနွမ်းပင်မြို့ရှိ သက်တမ်းအကြာဆုံးဆေးရုံများ
အနက်တစ်ခုဖြစ်သည်။ တရုတ်ကထိုဆေးရုံတွင် ကုတင် ၄၀၀ ဆန့်ပြီးအကျယ်အဝန်း ၂၉,၀၀၀ စတု
ရန်းမီတာ ရှိ ကျန်းမာရေးဆိုင်ရာအဆောက်အအုံကို တည်ဆောက်ပေးသွားမည်ဖြစ်သည်။
တီဘောင်ခမန် ပြည်နယ်ဆေးရုံ က ဖနွမ်းပင်မြို့အနီးအသစ်တည်ထောင်ခဲ့သော တီဘောင်ခမန် ပြည်
နယ် တွင်တည်ရှိသည်။ ကမ္ဘောဒီးယားအစိုးရ ကထိုပြည်နယ်၌ လူ ၈၀,၀၀၀ အခြေချနေထိုင်နိုင်ရန်စီ
စဉ်လျက်ရှိသည်။ (Xinhua)