Connect with us

Education & Health

ဝန်ကြီးချုပ် ဦးဖြိုးမင်းသိန်း နှလုံးခွဲစိတ်ကုသမှုအောင်မြင်

ရန္ကုန္တိုင္းေဒသႀကီးဝန္ႀကီးခ်ဳပ္က်န္းမာေရး ခြဲစိတ္မႈေအာင္ျမင္ေၾကာင္း ေၾကညာခ်က္အားေတြ႔ရစဥ္ (ဓာတ္ပံု-- M.O.I)

ရန်ကုန်၊ မတ် ၅ ရက် (ဆင်ဟွာ)

ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း သည် မွေးရာပါ နှလုံးအဆို့ရှင်မလုံခြင်း နှင့် ဆိုင်သောသွေးကြောမကြီး ကြီးနေခြင်းအတွက် ၂၀၁၇ ခုနှစ် မတ်လ ၅ ရက် နံနက် ၇ နာရီ မှ စတင်၍ ရန်ကင်းကလေးဆေးရုံကြီး နှလုံးသွေးကြော ခွဲစိတ်ကုဌာန ၏ အစီအစဉ်ဖြင့် နေ့လည် ၁း၃၀ နာရီ အောင်မြင်စွာ ခွဲစိတ်ပြီးစီးခဲ့ကြောင်း ကျန်းမာရေး နှင့် အားကစားဝန်ကြီးဌာန မှ သတင်းထုတ်ပြန်သည်။

လက်ရှိတွင် ဦးဖြိုးမင်းသိန်း ၏ ကျန်းမာရေးအခြေအနေသည် တည်ငြိမ်ကောင်းမွန်လျက်ရှိကြောင်း ၊ အထူးကြပ်မတ်ကုသဆောင်တွင် ကုသမှုဆက်လက်ခံယူလျက်ရှိကြောင်း သိရသည်။ နှလုံးခွဲစိတ်ကုသသည့် အဖွဲ့ ကို အင်္ဂလန်နိုင်ငံမှ ပါမောက္ခအောင်ရဲဦး ဦးဆောင်၍ ပါမောက္ခဝင်းဝင်းကျော် နှင့် ပါမောက္ခအောင်သူ တို့ ပူးပေါင်းခွဲစိတ်ခဲ့ကြကြောင်း၊ ပါမောက္ခအောင်ရဲဦးသည် ဆေးတက္ကသိုလ် (၁) ရန်ကုန်မှ ဆေးပညာဘွဲ့ကို ၁၉၈၈ ခုနှစ်တွင် အောင်မြင်ရရှိခဲ့ပြီး လက်ရှိတွင် အင်္ဂလန်နိုင်ငံ ၊ လစ်ဗာပူးမြို့ ရှိ လစ်ဗာပူး နှလုံး နှင့် ရင်ခေါင်းဆေးရုံတွင် ပါမောက္ခ ခွဲစိတ်ဆရာဝန်ကြီး အနေဖြင့် တာဝန်ထမ်းဆောင်လျက်ရှိကြောင်း သိရသည်။

ပါမောက္ခအောင်ရဲဦးသည် အင်္ဂလန်နိုင်ငံ နှလုံးသွေးကြောမကြီး နှင့် ကျွမ်းကျင်ပညာရှင်များအဖွဲ့၏ ဥက္ကဋ္ဌ လည်းဖြစ်ပြီး၊ မြန်မာနိုင်ငံသို့ နှစ်စဉ်လာရောက်ကာ ရန်ကင်းကလေးဆေးရုံကြီးတွင် ၂၀၁၃ ခုနှစ်မှ စ၍ ယနေ့အထိ ၇ ကြိမ်လာရောက်ခဲ့ပြီး နှလုံး နှင့် သွေးကြော ဝေဒနာရှင် ၉၀ကျော်ခန့်ကို ဦးဆောင်ကူညီခွဲစိတ် ကုသပေးခဲ့သူဖြစ်ကြောင်း သိရသည်။

နှလုံးမေ့ဆေး ဆရာဝန်အဖွဲ့ကို ပါမောက္ခအေးအေးအေး ဦးဆောင်ပြီး တွဲဘက်ပါမောက္ခ ခင်ယဉ်ယဉ်ထွေး၊ အထူးကုဆရာဝန် ဒေါက်တာဉာဏ်လင်းအောင် တို့မှ ပါဝင်ဆောင်ရွက်ခဲ့ကြောင်း သိရသည်။ ခွဲစိတ်ခန်းသူနာပြုအဖွဲ့အား သူနာပြုဆရာမကြီး ဒေါ်ထွေးခင် ဦးဆောင်သည့် သူနာပြုအဖွဲ့မှ ကူညီဆောင်ရွက်ခဲ့ကြောင်း သတင်းထုတ်ပြန်ချက်ထဲတွင် ပါရှိသည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.