Connect with us

Environment, Disasters & Accidents

ရခိုင်ပြည်နယ် မောင်တောမြို့နယ် တွင် ငွေကျပ် ၁၅၂၀ သိန်း တန်ဖိုးရှိ စိတ်ကြွရူးသွပ်ဆေးပြားများဖမ်းဆီးရမိ

သက္ေသခံပစၥည္းမ်ား ႏွင္႔ အတူဖမ္းဆီးရမိသူအားေတြ႔ရစဥ္ (ဓာတ္ပံု--မူးယစ္ေဆးဝါးတားဆီးႏွိမ္ႏွင္းေရး ရဲတပ္ဖြဲ႔)

ရန်ကုန်၊ ဇူလိုင် ၂၅ရက် (ဆင်ဟွာ)

ရခိုင်ပြည်နယ် မောင်တောမြို့နယ် တွင် ဒေသကာလပေါက်ဈေးတန်ဖိုးငွေကျပ် ၁၅၂၀ သိန်း တန်ဖိုးရှိ စိတ်ကြွရူးသွပ်ဆေးပြားများဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နှင်းရေးရဲတပ်ဖွဲ့က ယနေ့သတင်းထုတ်ပြန်သည်။

ဖြစ်စဉ်မှာ ရခိုင်ပြည်နယ် မောင်တောမြို့နယ်၊ ကျောက်လှေကားကျေးရွာအနီးရှိ မင်္ဂလာကြီးချောင်းစပ်တွင် အထုပ်တစ်ထုပ်အားထမ်း၍လမ်းလျှောက်လာသူ မောင်တောမြို့နယ်၊ ဖေဇီကျေးရွာနေ ဇီရာမန် ၂၇ နှစ်အား စစ်ဆေး ရှာဖွေရာ ၎င်းထမ်းလာသော ဆာလာအိတ်အတွင်းမှ ပလတ်စတစ်ကပ်ခွာ အိတ်များဖြင့်ထည့်ထားသည့် စိတ်ကြွရူးသွပ်ဆေးပြား ၇၆,၀၀၀ ပြား(ဒေသကာလပေါက်ဈေးတန်ဖိုးငွေကျပ် ၁၅၂၀ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။အဆိုပါဖမ်းဆီးရမိခဲ့သည့် မူးယစ်ဆေးဝါးများနှင့်စပ်လျဉ်း၍ သက်ဆိုင်ရာရဲစခန်းအသီးသီးတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေဖြင့် အမှုများရေးဖွင့်ပြီး ကွင်းဆက်များ ဖော်ထုတ်စစ်ဆေးလျက် ရှိကြောင်း သတင်းထုတ်ပြန်ချက်ထဲတွင်ပါရှိသည်။ (Xinhua)