Environment, Disasters & Accidents
လက်ရှိရေအမှတ်များထက် မြင့်တက်နိုင်သည့် မြစ်ရေ အမှတ်များအား မိုးဇလထုတ်ပြန်
ရန်ကုန်၊မတ် ၁၈ ရက် (ဆင်ဟွာ)
မိုးလေဝသနှင့် ဇလဗေဒညွှန်ကြားမှုဦးစီးဌာနမှ ၂၀၁၆ခုနှစ်၊ မတ်လ တတိယ(၁၀)ရက်ပတ် အတွက် မြစ်ရေခန့်မှန်းချက် နှင့် လက်ရှိရေအမှတ်များထက် မြင့်တက်နိုင်သည့် မြစ်ရေ အမှတ်များအား မတ်လ ၁၈ ရက်နေ့စွဲဖြင့် ထုတ်ပြန်သည်။
ဧရာဝတီမြစ်ရေသည် မြစ်ကြီးနားမြို့၊ ဗန်မော်မြို့နှင့် ကသာမြို့တို့တွင် ၂-ပေမှ ၃-ပေခန့်၊ မန္တလေးမြို့၊ စစ်ကိုင်းမြို့၊ မြင်းမူမြို့၊ပခုက္ကူမြို့၊ ညောင်ဦးမြို့၊ ချောက်မြို့၊ မင်းဘူးမြို ၊မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် ၁-ပေမှ ၁-ပေခွဲခန့် လက်ရှိရေမှတ်များအထက် မြင့်တက်နိုင်ကြောင်း သတင်းထုတ်ပြန်ချက်ထဲတွင်ပါရှိသည်။
ချင်းတွင်းမြစ်ရေသည် ခန္တီးမြို့၊ ဟုမ္မလင်းမြို့နှင့် ဖောင်းပြင်မြို့တို့တွင် ၁-ပေမှ ၁-ပေခွဲခန့် နှင့် မော်လိုက် မြို့၊ ကလေးဝမြို့၊ မင်းကင်းမြို့နှင့် မုံရွာမြို့တို့တွင် ပေဝက်ခန့်လက်ရှိရေမှတ်များအထက် မြင့်တက် နိုင်သည်ဟု သိရသည်။ (Xinhua)