မြန်မာနိုင်ငံတွင် တစ်ပတ်အတွင်း တရားမဝင်သစ် ၆၁.၃၄ တန်ကျော် ဖမ်းဆီးရမိ

ရန်ကုန်၊ ဩဂုတ် ၁၁ ရက် (ဆင်ဟွာ)

မြန်မာတစ်နိုင်ငံလုံးတွင် တစ်ပတ်အတွင်း တရားမဝင်သစ်တန်ချိန် ၆၁.၃၄ တန်ကျော်ကို သိမ်းဆည်းရမိခဲ့ကြောင်း ပြန်ကြားရေးဝန်ကြီးဌာန၏ ဩဂုတ် ၁၁ ရက် သတင်းထုတ်ပြန်ချက်အရ သိရသည်။
ဇူလိုင် ၃၁ ရက်မှ သြဂုတ် ၆ ရက်အထိ တိုင်းဒေသကြီး၊ ပြည်နယ်နှင့် နေပြည်တော် ပြည်ထောင်စုနယ်မြေတို့တွင် သစ်မာ ၄.၄၁ တန်ကျော်နှင့် ကျွန်းသစ် ၃၀.၄၆ တန်ကျော်၊ အခြားသစ် ၂၆.၄၅ တန်ကျော် တို့ကို အာဏာပိုင်များက သိမ်းဆည်းရမိခဲ့ကြောင်း သိရသည်။

ခုနစ်ရက်တာကာလအတွင်း မော်တော်ယာဉ် ၆ စီးနှင့် စက်ယန္တရားများ သိမ်းဆည်းရမိခဲ့ပြီး ပြစ်မှုကျူးလွန်သူ ၁၄ ဦး ကို အမှုဖွင့်အရေးယူခဲ့ကြောင်း သိရသည်။
သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန၊ သစ်တောဦးစီးဌာနသည် တရားမဝင်သစ်နှင့် သစ်တောထွက်ပစ္စည်းများ ရှာဖွေဖော်ထုတ်ဖမ်းဆီးရေးအား ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ် အပါအဝင် နည်းလမ်းမျိုးစုံဖြင့် အကောင်အထည် ဖော်ဆောင်ရွက်လျက်ရှိကြောင်း သိရသည်။ (Xinhua)