Africa & Middle East
ဆီးရီးယား၌ မေလ ၅ ရက်မှ စ၍ ၄၈ နာရီကြာ ယာယီ စစ်ပြေငြိမ်းခြင်း စတင်
ဒမတ်စကက်၊ မေ ၅ ရက် (ဆင်ဟွာ)
ဆီးရီးယားနိုင်ငံ မြောက်ပိုင်း အလက်ပိုမြို့ တွင် မေလ ၅ ရက်မှ စတင်၍ ၄၈ နာရီကြာ ယာယီ စစ်ပြြေငိမ်းခြင်း သဘောတူညီမှု တစ်ခုအား စတင်လိုက်ပြီ ဖြစ်ကြောင်း ဆီရီးယား တပ်မတော်က မေလ ၄ ရက်က ကြေညာလိုက်သည်။
အဆိုပါ သဘောတူညီမှုသည် မေလ ၅ ရက် ဒေသစံတော်ချိန် နံနက် ၁း၀၀ နာရီအချိန်တွင် စတင် အသက်ဝင်ကြောင်း စစ်တပ် ကြေညာချက်၌ ပြောကြားထားသည်။
အလက်ပိုမြို့တွင် လူပေါင်း ၁၂၀ ကျော် သေဆုံးခဲ့ပြီး လူရာပေါင်းများစွာ ဒဏ်ရာရရှိခဲ့သည့် ၁၀ ရက်ကြာ အကြမ်းဖက်မှုများ ဖြစ်ပွားခဲ့ရာမှ ပျက်စီးခဲ့ရသည့် မြို့တွင် ယခုကဲ့သို့ ယာယီ စစ်ပြေငြိမ်းခဲ့ခြင်း ဖြစ်သည်။
အမေရိကန်- ရုရှား နိုင်ငံများ ထောက်ခံမှု ပြုလုပ်ထားသည့် ယာယီ စစ်ပြေငြိမ်းခြင်းသည် အစိုးရ ထိန်းချုပ်ထားသည့် ဧရိယာများပေါ်သို့ သူပုန်အဖွဲ့၏ အမြောက်ဆန်များရန်မှ ကာကွယ်ရန် အလက်ပိုမြို့အား နှစ်သိမ့်ပေးမှု တစ်ရပ်လည်း ဖြစ်စေသည်။
ယခုလို ယာယီ စစ်ပြေငြိမ်းခြင်းတွင် မြို့တော် ဒမတ်စကက်၏ ကျေးလက်ဒေသနှင့် နိုင်ငံ အနောက်မြောက်ပိုင်း Latakia ပြည်နယ်လည်း ပါဝင်မည် ဖြစ်ကြောင်း ကြေညာခဲ့သည်။ (Xinhua)