Africa & Middle East
ဆော်ဒီအာရေဗျနိုင်ငံတွင် ဆယ်စုနှစ်များကြာပြီးနောက် အမျိုးသမီးများ ယာဉ်မောင်းလိုင်စင်ခွင့်ပြု
ရီယတ်၊ ဇွန် ၅ ရက် (ဆင်ဟွာ)
ဆော်ဒီအာရေဗျနိုင်ငံတွင် အမျိုးသမီးများ ယာဉ်မောင်းခြင်းကို ဆယ်စုနှစ်များကြာ တားမြစ်ထားပြီးနောက် ဇွန်လ ၄ ရက်တွင် အမျိုးသမီးတစ်ဦးကို ယာဉ်မောင်းလိုင်စင် ခွင့်ပြုပေးလိုက်ကြောင်း Al Arabuya သတင်းစာက ဖော်ပြခဲ့သည်။
အစိုးရက အမျိုးသမီးများအား ဇွန်လ ၂၄ ရက်မှစတင်ကာ မော်တော်ယာဉ် မောင်းနှင်ရန် ခွင့်ပြုပေးဖို့ အသင့်ရှိကြောင်း လွန်ခဲ့သည့် သီတင်းပတ်က ကြေညာခဲ့သည်။
အမျိုးသမီးများလည်း မော်တော်ယာဉ် မောင်းနှင်နိုင်ပြီဖြစ်ကြောင်း ပြည်ထဲရေးဝန်ကြီးဌာန စစ်ဆင်ရေးပိုင်းဆိုင်ရာ ဒုတိယ ဝန်ကြီး ဗိုလ်ချုပ် Aseed Al-Qahtani က အတည်ပြုပြောကြားခဲ့သည်။
၎င်းက ဆက်၍ အမျိုးသမီး ယာဉ်မောင်းအသစ်များအနေဖြင့် ယာဉ်စည်းကမ်းချိုးဖောက်မှုများရှိပါက အမျိုးသားများနှင့် တန်းတူ ပြစ်ဒဏ်များနှင့် ဒဏ်ငွေများ ပေးဆောင်ရမည်ဟု သတိပေးထားသည်။
နိုင်ငံအတွင်းရှိ မြို့ငါးမြို့၌ အမျိုးသမီး ယာဉ်မောင်းသင်တန်းကျောင်းများ ဖွင့်လှစ်ထားခဲ့သည်။ အမျိုးသမီးများ ပြည်ပယာဉ်မောင်း လိုင်စင်ကို ၎င်းတို့၏ ယာဉ်မောင်းစွမ်းရည်ပေါ်မူတည်၍ နောက်ပိုင်းတွင် သီးခြားလုပ်ဆောင်သွားမည် ဖြစ်ကြောင်း သိရသည်။ (Xinhua)