မော်ရိုကို နိုင်ငံ အစိုးရ က IS အစွန်းရောက် အဖွဲ့အစည်း နှင့် ဆက်သွယ်မှုရှိ သည့် အဖွဲ့အစည်း တစ်ခု အား တိုက်ဖျက်

ရာဘတ် ၊ မေ ၄ ရက် (ဆင်ဟွာ)

မော်ရိုကို နိုင်ငံ ပြည်ထဲရေး ဝန်ကြီးဌာန က မေလ ၃ ရက် ၌ နိုင်ငံ ဗဟို ဥပဒေရေးရာ စုံစမ်းစစ်ဆေးမှုဌာန က နိုင်ငံမြောက်ပိုင်းရှိ Tangier မြို့ တွင် IS အစွန်းရောက် အဖွဲ့အစည်း နှင့် ဆက်သွယ်မှုရှိ သည့် အဖွဲ့အစည်း တစ်ခု အား တိုက်ဖျက် နိုင်ခဲ့ပြီး အဖွဲ့ဝင် ၈ ဦး ကို ဖမ်းဆီး နိုင်ခဲ့ကြောင်း ထုတ်ပြန်ကြေညာ ခဲ့သည်။

ထုတ်ပြန်ကြေညာချက်တွင် IS အစွန်းရောက် အဖွဲ့အစည်း နှင့် ဆက်သွယ်မှုရှိသည့် အဖွဲ့ဝင် ၈ ဦး က အသက် ၂၀ နှစ် မှ ၃၁ နှစ် အကြား ဖြစ်ကြကြောင်း ၊ ၎င်းတို့အနေဖြင့် အစွန်းရောက် မူဝါဒ ဖြန့်ဝေခြင်း နှင့် မော်ရိုကို တွင် အကြမ်းဖက် တိုက်ခိုက်မှု ဆောင်ရွက်ရန် စီစဉ်နေသည် ဟု သံသယ ရှိကြောင်း ၊ ဖမ်းဆီးခံရသူများ အနက် ညီအကို နှစ်ယောက် က ဆီးရီးယာား နှင့် အီရတ် တွင် IS အစွန်းရောက် အဖွဲ့အစည်း အတွက် တိုက်ပွဲဝင်ပေးခဲ့ကြသူများ ဖြစ်ကြောင်း ပါဝင် ခဲ့သည်။

ထို့ပြင် ထုတ်ပြန်ကြေညာချက် တွင် ရဲတပ်ဖွဲ့ မှ ဖမ်းစီးမှု ဆောင်ရွက်စဉ် အတွင်း အီလတ်ထရောနှစ် ပစ္စည်းများ ၊ ဓားများ ၊ IS အစွန်းရောက် အဖွဲ့အစည်း ၏ အလံ နှင့် ပြောက်ကျားဝတ်စုံ စသည် တို့ကို ရှာဖွေတွေ့ရှိ ခဲ့ကြောင်း ပါဝင် ခဲ့သည်။

၂၀၀၃ ခုနှစ် မေလ တွင် မော်ရိုကို နိုင်ငံ မြောက်ပိုင်း တွင် အကြမ်းဖက် တိုက်ခိုက်မှု တစ်ရပ် ဖြစ်ပွား ခဲ့ပြီး လူအများသေဆုံးခဲ့ရကြောင်း ၊ မော်ရိုကို အစိုးရ ၏ ထုတ်ပြန်ကြေညာချက် အရ ၂၀၁၅ ခုနှစ် နှစ်ဆန်းပိုင်း မှ ၂၀၁၈ ခုနှစ် ဇွန်လ အထိ နိုင်ငံ အတွင်း ရှိ အကြမ်းဖက် မူဝါဒ အုပ်စုပေါင်း ၅၃ ခု ကို တိုက်ဖျက် နိုင်ခဲ့ပြီး သံသယ ရှိသူပေါင်း ၈၁၅ ဦး အား ဖမ်းဆီး ခဲ့ကြောင်း သိရှိရသည်။(Xinhua)