Latin America
အီကွေဒေါငလျင်ကြောင့် ၂ ဦးသေ ၊ ၁၅ ဦးဒဏ်ရာရ
ကွီတို၊ဒီဇင်ဘာ ၂ဝ ရက် (ဆင်ဟွာ)
အီကွေဒေါနိုင်ငံ မြောက်ပိုင်း၌ ဒီဇင်ဘာလ ၁၉ ရက်က ပြင်းအား ၅.၇ အဆင့်ရှိ ငလျင်တစ်ခုလှုပ်ခတ်ခဲ့ရာ လူ ၂ ဦးသေဆုံးပြီး ၁၅ ဦးထိခိုက်ဒဏ်ရာရခဲ့ကြောင်း နှင့် အပျက်အစီးများလည်း ဖြစ်ပေါ်လျက် ရှိကြောင်း သိရသည်။
၎င်းငလျင်သည် အီကွေဒေါနိုင်ငံ မြောက်ဘက်ကမ်းရိုးတန်းနှင့် ကိုလံဘီယာနိုင်ငံနယ်နိမိတ်ချင်း ထိစပ်နေသော Esmeraldas ပြည်နယ်၌ လှုပ်ခတ်ခဲ့ခြင်းဖြစ်ကြောင်း အီကွေဒေါနိုင်ငံ ဘေးအန္တရာယ်စီမံခန့်ခွဲမှုဆိုင်ရာ အတွင်းရေးမှူးရုံး(SGR) က ဆိုသည်။
အီကွေဒေါ ငလျင်၌ ထိခိုက်ဒဏ်ရာရသူများအားတွေ့ရစဉ်(ဆင်ဟွာ)
အီကွေဒေါ ငလျင်၌ ထိခိုက်ဒဏ်ရာရသူများအားတွေ့ရစဉ်(ဆင်ဟွာ)
အီကွေဒေါ ငလျင်၌ ထိခိုက်ဒဏ်ရာရသူများအားတွေ့ရစဉ်(ဆင်ဟွာ)
အီကွေဒေါ ငလျင်၌ ထိခိုက်ဒဏ်ရာရသူများအားတွေ့ရစဉ်(ဆင်ဟွာ)
ငလျင်ဒဏ်ကြောင့် အဆောက်အအုံ ၁ဝ လုံးပြိုကျသွားကြောင်း နှင့် အခြား အဆောက်အအုံ ၆၅ လုံးမှာလည်း ငလျင်ဒဏ်ထိခိုက်ခဲ့ရကြောင်း သိရသည်။ အဆိုပါ ပြင်းအား ၅.၇ အဆင့်ရှိ ငလျင်သည် ဒေသစံတော်ချိန် နံနက် ၂ နာရီ ၁၁ မိနစ်တွင် လှုပ်ခတ်ခဲ့ပြီး Esmeraldas ပြည်နယ် Atacames ကမ်းရိုးတန်းတွင် မြေပြင်အောက် အနက် ၅.၂ ကီလိုမီတာ၌ ဗဟိုပြုလှုပ်ခတ်ခဲ့ခြင်းဖြစ်သည်။
အဆိုပါ ငလျင်လှုပ်ခတ်ခဲ့ပြီးနောက် ပြင်းအား ၂.၄ မှ ၄.၆ ကြားရှိ ငလျင်ငယ် ၃၆ ကြိမ်ထပ်မံလှုပ်ခတ်ခဲ့ကြောင်း အီကွေဒေါနိုင်ငံ ဘူမိရူပဗေဒသိပ္ပံက ဆိုသည်။(Xinhua)