ဆန်းရှီး၊ စက်တင်ဘာ ၂၁ ရက် (ဆင်ဟွာ)

မြန်မာနိုင်ငံသူ တရုတ်အမည် (မာရှောင်ယွဲ့ ) သည် ၂၀၀၇ ခုနှစ်တွင် တရုတ်နိုင်ငံ မြောက်ပိုင်း ဆန်းရှီးပြည်နယ်ရှိ တရုတ်လူမျိုး တစ်ဦးနှင့် လက်ထပ်ထိမ်းမြားခဲ့သည်။ အစပိုင်းတွင် ၎င်းတို့၏ ကျေးလက်လူမှုဘဝသည်  အခက်အခဲဖြစ်ကြုံတွေ့ခဲ့ရသော်လည်း ဒေသဆိုင်ရာအစိုးရ၏ ကူညီထောက်ပံ့မှုနှင့်အတူ အရာရာတိုင်းသည် အဆင်ပြေချော်မွေ့ခဲ့ရသည်။ အဆိုပါ မြန်မာအမျိုးသမီး မာ နှင့် တွေ့ဆုံကာ ၎င်းတို့၏ လူမှုဘဝ ပုံရိပ်များကို ဆင်ဟွာသတင်းဌာနမှ မေးမြန်းကာ ရိုက်ကူးတင်ဆက်ထားခြင်းဖြစ်သည်။ (Xinhua)

ရန်ကုန်၊ စက်တင်ဘာ ၂၁ ရက် (ဆင်ဟွာ)

ရန်ကုန်တိုင်းဒေသကြီးအတွင်း ခရီးသွားရာဇဝင်မရှိသည့် ဓာတ်ခွဲအတည်ပြုလူနာများ ထပ်မံတွေ့ရှိရမှု၊ ခရီးသွားရာဇဝင်မရှိသည့် အပြင် ဓာတ်ခွဲအတည်ပြုလူနာများ နှင့်လည်းထိတွေ့ခြင်းမရှိခဲ့သည့် လူနာများ တွေ့ရှိရမှု အချိန်တိုအတွင်း များပြားလာသောကြောင့် COVID-19 ရောဂါကူးစက်ပျံ့နှံ့မှု ကို ပိုမိုထိရောက်စွာ ထိန်းချုပ်နိုင်ရန် အတွက် (ကိုကိုးကျွန်းမြို့နယ်မပါ) ရန်ကုန်တိုင်းဒေသကြီးအတွင်းရှိ မြို့နယ်အားလုံး တွင် နေထိုင်သူများ အနေဖြင့် (Stay at Home) အစီအစဉ်တွင် အကျုံးဝင်ကြောင်း ကျန်းမာရေး နှင့် အားကစားဝန်ကြီးဌာန က စက်တင်ဘာ ၂၀ ရက် ညပိုင်းတွင် ထုတ်ပြန်ခဲ့သည်။
ယနေ့ စက်တင်ဘာ ၂၁ ရက် မနက်ပိုင်းတွင်ရရှိထားသည့် စာရင်းများအရ မြန်မာနိုင်ငံတွင် COVID-19 ဓါတ်ခွဲအတည်ပြုလူနာ စုစုပေါင်း ၅၈၀၅ ဦးရှိလာပြီး သေဆုံးလူနာဦးရေမှာ ၉၄ ဦးအထိ ရှိလာကြောင်း သိရသည်။  (Xinhua)

ဝူဟန့်၊ စက်တင်ဘာ ၁၇ ရက် (ဆင်ဟွာ)

လန်ဒန်မြို့မှ ပျံသန်းထွက်ခွါလာသည့် ဘိုးရင်း ၇၄၇ ကုန်တင်လေယာဉ်တစ်စင်းသည် ကုန်ပစ္စည်း ၄၇ တန် သယ်ဆောင်ကာ  စက်တင်ဘာ ၁၆ ရက်တွင် တရုတ်နိုင်ငံ အလယ်ပိုင်း ဝူဟန့်မြို့သို့ ရောက်ရှိခဲ့သည်။
၎င်းသည် လန်ဒန် (အမ်စတာဒမ်) မှတစ်ဆင့် ဝူဟန့် သို့ရောက်ရှိလာသော နိုင်ငံတကာ ကုန်တင်လေယာဉ်တစ်စင်းဖြစ်ပြီး ဝူဟန့်နိုင်ငံတကာ လေဆိပ်အတွက် တရားဝင်ပြန်လည်ဖွင့်လှစ်ခြင်း အထိမ်းအမှတ်တစ်ခုလည်းဖြစ်သည်။

ကုန်ပစ္စည်းသယ်ယူပို့ဆောင်ရေး လေယာဉ်များသည် ရက်တစ်ပတ်လျှင် ၃ ကြိမ်ပြေးဆွဲကာ စက်မှုထုတ်ကုန်ပစ္စည်းများကို အဓိက တင်သွင်းသွားမည်ဟုသိရသည်။
ဧပြီ ၈ ရက်ကတည်းက ပုံမှန် နိုင်ငံတကာ ကုန်တင်လေကြောင်းလိုင်း ၉ ခုဖြင့် ဝူဟန့် လေဆိပ်ကို ပြန်လည် စတင်ဖွင့်လှစ်ခဲ့ခြင်းဖြစ်သည်။  (Xinhua)