တရုတ် နည်းပညာ ကုမ္ပဏီကြီးက နိုင်ငံခြားခရီးသွားများအတွက် မိုဘိုင်းငွေပေးချေမှု အဆင်ပြေလွယ်ကူစေရန် ပံ့ပိုးပေး

ထျန်းကျင်း၊ ဩဂုတ် ၃ ရက် (ဆင်ဟွာ)

တရုတ်နိုင်ငံ၏ အဓိက ငွေပေးချေမှု အက်ပလီကေးရှင်း(application) နှစ်ခုဖြစ်သည့် Alipay နှင့် WeChat Pay တို့သည် မကြာသေးမီကာလက နိုင်ငံခြားသား အသုံးပြုသူများအတွက် international credit cards များဖြင့် ချိတ်ဆက်အသုံးပြုခွင့် ပေးခဲ့ရာ ငွေသားအသုံးပြုခြင်း မရှိသည့် တရုတ်လူမှုအသိုက်အဝန်းတွင် နိုင်ငံခြားခရီးသွားများအတွက် အဆင်ပြေလွယ်ကူလာစေမည် ဖြစ်သည်။

နိုင်ငံတကာ ခရီးသွားများအနေဖြင့် Visa နှင့် Mastercard အပါအဝင် နိုင်ငံခြားဘဏ်ကဒ်များကို ယင်းအက်ပလီကေးရှင်းနှင့် လွယ်ကူစွာ ချိတ်ဆက်နိုင်မည် ဖြစ်ကြောင်း၊ ၎င်းမှာ နိုင်ငံခြားခရီးသွားများအနေဖြင့် စမတ်ဖုန်းကို အသုံးပြု၍ ဈေးဆိုင်များ၊ စားသောက်ဆိုင်များမှသည် သယ်ယူပို့ဆောင်ရေးဝန်ဆောင်မှုပေးသူများအထိ တရုတ်နိုင်ငံ နေရာအသီးသီးတွင် ငွေပေးချေနိုင်မည် ဖြစ်ကြောင်း Alipay ၏ နိုင်ငံတကာ ထုတ်ကုန်များဆိုင်ရာ မန်နေဂျာ Jin Yaoyao ၏ ပြောကြားချက်များအရ သိရသည်။

“တရုတ်နိုင်ငံမှာ ပိုမိုများပြားတဲ့ နိုင်ငံရပ်ခြားအသုံးပြုသူတွေ မိုဘိုင်းငွေပေးချေမှုကို ကိုယ်တွေ့ အသုံးပြုလာနိုင်ဖို့ မျှော်လင့်ပါတယ်”ဟု Jinက ပြောကြားခဲ့သည်။

မိုဘိုင်းအက်ပလီကေးရှင်းသည် တရုတ်နိုင်ငံတွင် အဓိက ငွေပေးချေသည့်ပုံစံ ဖြစ်လာသည့်အချိန်မှစ၍ တရုတ်မိုဘိုင်းငွေပေးချေမှုသည် အရှိန်အဟုန်ကောင်းစွာ ဖွံ့ဖြိုးတိုးတက်လာခဲ့ရာ e-commerce ကဏ္ဍအတွက် အရှိန်အဟုန်မြင့် ပွင့်လန်းလာသည်။

ယခင်က ပြည်ပခရီးသွားများသည် တရုတ်နိုင်ငံ၏ဘဏ်အကောင့်ရှိမှသာ ဒစ်ဂျစ်တယ် ငွေပေးချေမှု ပလက်ဖောင်းနှင့်ချိတ်ဆက်ကာ မိုဘိုင်းဖြင့်ငွေပေးချေနိုင်ခြင်း ဖြစ်သည်။ ၎င်းမှာ တရုတ်နိုင်ငံသို့ ကာလတို လာရောက်လည်ပတ်သူ သို့မဟုတ် စီးပွားရေးလုပ်ကိုင်သူများအတွက် အဆင်မပြေမှုများ ဖြစ်စေခဲ့သည်။

Ant Group နှင့် Tencent လက်အောက်ရှိ Alipay နှင့် WeChat Payသည် နိုင်ငံတကာ ခရီးသွားများ၏ ငွေပေးချေမှု အတွေ့အကြုံကို မြှင့်တင်ရန်အတွက် ရည်ရွယ်ကာ သက်သာခွင့် ဦးစားပေး မူဝါဒများစွာ ဆောင်ရွက်လျက်ရှိရာ ဥပမာအားဖြင့် တရုတ်ငွေ ယွမ် ၂၀၀ အောက်(အမေရိကန် ဒေါ်လာ ၂၇.၈၅ ခန့်) ငွေပေးချေမှုအတွက် ငွေလွှဲခ ကင်းလွတ်ခွင့်ရှိခြင်း စသည်တို့ ဖြစ်သည်။

တရုတ်နိုင်ငံ၏ မိုဘိုင်းငွေပေးချေမှုဈေးကွက်သည် ကမ္ဘာတွင် တိုးတက်မှု အရှိဆုံး ဈေးကွက်များအနက် တစ်ခု ဖြစ်သည်။ ၂၀၂၂ ခုနှစ်တွင် တရုတ်နိုင်ငံ ဘဏ်များ၏ ငွေသားမဟုတ်သည့် ငွေပေးချေမှုများ ဆက်လက် တည်ငြိမ်စွာ တိုးတက်ခဲ့ရာ အီလက်ထရောနစ် ငွေပေးချေမှုသည် ဆက်လက် တိုးတက်မှု အရှိန်အဟုန် ရှိနေကြောင်း တရုတ်ဗဟိုဘဏ်၏ အစီရင်ခံစာ တစ်စောင်တွင် ဖော်ပြထားသည်။

ပြီးခဲ့သည့်နှစ်က ဘဏ်ကတ်၊ အီလက်ထရောနစ် ငွေပေးချေမှု စနစ်၊ စီးပွားရေးဆိုင်ရာ စာရွက်စာတမ်း၊ credit ကတ်ဖြင့် ငွေလွှဲခြင်း စသည့် နည်းလမ်းများဖြင့် ငွေသားမဟုတ်သည့် ငွေပေးချေမှုပမာဏသည် ယွမ် ၄,၈၀၅.၇၇ ထရီလီယံရှိရာ ၎င်းမှာ ကာလတူထက် ၈.၈၄ ရာခိုင်နှုန်း တိုးမြင့်လာခဲ့ကြောင်း ဗဟိုဘဏ်၏ အစီရင်ခံစာအရ သိရသည်။ (Xinhua)

………………………………….
(English Version)
Chinese tech giants facilitate mobile payments for overseas tourists
TIANJIN, Aug. 3 (Xinhua) — Alipay and WeChat Pay, China’s two major payment apps, recently allowed foreign users to link international credit cards to their platforms, a move that will provide great convenience to foreign travelers in China’s cashless society.
International travelers can link their foreign cards including Visa and Mastercard to the app with a few simple steps, which will allow them to use their smartphones to pay merchants across China, from shops and restaurants to transport providers, according to Jin Yaoyao, a manager of Alipay’s international products.
“We hope that more and more overseas consumers will be able to experience the mobile payment scenarios in China,” Jin said.
China’s mobile payment has seen a leapfrog development since mobile apps became the predominant payment method in the country, triggering a boom in e-commerce.
Previously, overseas tourists were required to have a Chinese bank account and link it with the digital payment platforms in order to avail mobile payment, which created inconvenience for those visiting China for short-term trips or business purposes.
Alipay and WeChat Pay, owned by Ant Group and Tencent respectively, have also introduced several preferential policies to enhance the payment experience for international tourists, such as exempting transaction fees for payments below 200 yuan (about 27.85 U.S. dollars).
China’s mobile payment market is one of the most advanced in the world. Non-cash payments handled by Chinese banks continued stable expansion in 2022, with electronic payments sustaining growth momentum, a report from the People’s Bank of China said.
Non-cash payments via bank cards, electronic payment vehicles, commercial papers, credit transfers, and other settlements, hit 4,805.77 trillion yuan last year, up 8.84 percent year on year, according to the central bank report.
1. A tourist scans the QR code on an unmanned vending vehicle to shop in Binhu National Forest Park in Hefei, east China’s Anhui Province, Oct. 11, 2022. (Xinhua/Guo Chen)