Connect with us

Videos

တရုတ်နိုင်ငံရွှေလီမြို့မှ မြန်မာနိုင်ငံ မူဆယ်မြို့အထိ မာရသွန်ပြေးကြသူများ

ကူမင်း၊ ဇန်နဝါရီ ၃ ရက် (ဆင်ဟွာ)

တရုတ်နိုင်ငံအနောက်တောင်ပိုင်းယူနန်ပြည် ရွှေလီမြို့မှ မြန်မာနိုင်ငံ မူဆယ်မြို့အထိ မာရသွန်ပြေးပွဲကို ၂ဝ၁၈ ခုနှစ် ဒီဇင်ဘာလ ၃၁ ရက်နေ့က စတင်ကျင်းပခဲ့သည်။ အဆိုပါပြိုင်ပွဲတွင် တရုတ်၊ မြန်မာ၊ စင်ကာပူ၊ ဂျာမနီနိုင်ငံအပါအဝင် နိုင်ငံတကာမှ ပြိုင်ပွဲဝင်ဦးရေပေါင်း ၉ ထောင်ကျော် ပါဝင်ယှဉ်ပြိုင်ခဲ့ကြသည်။

နှစ်နိုင်ငံနယ်စပ်မြို့များသို့ချိတ်ဆက်ကာ မာရသွန်ပြေးရသည့် ပြိုင်ပွဲတွင် ခရီးအကွာအဝေးမှာ ၆.၅ ကီလိုမီတာ ရှိပြီး ပြိုင်ပွဲတွင် မာရသွန်၊ မာရသွန်တာလတ်၊ တာတိုအပျော်တမ်းအပြေးပွဲ၊ မိဘများနှင့်ကလေးများအတွက်ပြိုင်ပွဲများစသဖြင့် အပိုင်း ၄ ပိုင်းခွဲကာ ကျင်းပခဲ့ကြောင်း ပွဲကျင်းပရေးကော်မတီ၏ သတင်းထုတ်ပြန်ချက်အရသိရသည်။

ပြိုင်ပွဲကို ပြီးဆုံးအောင် ယှဉ်ပြိုင်ကြသူများအတွက် သစ်သားဖြင့်ပြုလုပ်ထားသည့် ဆုတံဆိပ်များကို ချီးမြှင့်မည်ဖြစ်ပြီး မြန်မာနိုင်ငံမှ အပြေးသမားများကို အထူးပြုလုပ်ထားသည့်ပေါက်ဖော်ချစ်ကြည်ရေးဆုများ ပေးအပ်သွားမည်ဖြစ်ကြောင်းကော်မတီကဆိုသည်။ ယခုနှစ် ပြိုင်ပွဲမှာ ဒုတိယအကြိမ်ကျင်းပခြင်းဖြစ်ပြီး တရုတ်နိုင်ငံနှင့် မြန်မာနိုင်ငံတို့ အကြား အရေးပါသည့် ယဉ်ကျေးမှုနှင့် အားကစားကဏ္ဍတို့တွင် အပြန်အလှန်ဖလှယ်ရေး အစီအစဉ်တစ်ရပ်အဖြစ်ကျင်းပခြင်းဖြစ်ကြောင်းသိရသည်။ (Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.