Videos
တရုတ်နိုင်ငံ၏ ပထမဆုံး ပင်လယ်အောက် မြန်နှုန်းမြင့်ရထားလမ်းဥမင် တည်ဆောက်
ကျဲ့ကျန်း၊ မတ် ၂၆ ရက် (ဆင်ဟွာ)
တရုတ်နိုင်ငံ၏ ပထမဆုံးပင်လယ်အောက် မြန်နှုန်းမြင့်ရထားလမ်းဥမင်တစ်ခုကို နိုင်ငံအရှေ့ပိုင်း ကျဲ့ကျန်းပြည်နယ်တွင် စတင်တည်ဆောက်နေပြီဖြစ်သည်။ တရုတ်နိုင်ငံတွင် COVID-19 ကပ်ရောဂါကူးစက်မှုထိန်းချုပ်နိုင်ခဲ့ပြီးနောက် မတ်လ ဆန်းပိုင်းတွင် အလုပ်သမားများလုပ်ငန်းခွင်သို့ပြန်လည်ဝင်ရောက်ပြီး အဆိုပါ ပင်လယ်အောက် မြန်နှုန်းမြင့်ရထားလမ်းဥမင် တည်ဆောက်မှုအား သတ်မှတ်ချိန်အတွင်းပြီးစီးနိုင်ရန်အချိန်ပြည့်အလုပ်လုပ်လျှက်ရှိသည်။ ယခုတည်ဆောက်နေသည့် ရေအောက်မြန်နှုန်းမြင့် ရထားလမ်း ဥမင်သည် ကျဲ့ကျန်းပြည်နယ်၏ ကျွန်းမြို့တစ်မြို့ဖြစ်သည့် ကျိုးရှန်းမြို့နှင့် နင်းပေါင်မြို့တို့ကိုချိတ်ဆက်ပြေးဆွဲမည့် မြန်နှုန်းမြင့်ရထားလမ်း၏ အစိတ်အပိုင်း တစ်ခုလည်း ဖြစ်သည်။ ဥမင်မှာ ၁၆.၂ ကီလိုမီတာအရှည်ရှိပြီး ရေအောက်အနက် ၇၈ မီတာထိတွင် ဖောက်လုပ်မည်ဟု သတ်မှတ်ထားကြောင်းသိရသည်။ စီမံကိန်းပြီးသွားပါက ကျိုးရှန်းမြို့သို့ရထားဖြင့် သွားလာနိုင်မည်ဖြစ်ပြီး ယန်ဇီမြစ်ဝှမ်းတစ်လျှောက်ဖွံ့ဖြိုး တိုးတက်မှုများဆောင်ရွက်နိုင်မည်ဟုသိရသည်။ (Xinhua)