Local
(၁၆) ကြိမ်မြောက် မြန်မာ-တရုတ်နယ်စပ် ကုန်သွယ်ရေးကုန်စည်ပြပွဲ ကျင်းပမည်
ရန်ကုန်၊ အောက်တိုဘာ ၅ ရက် (ဆင်ဟွာ)
(၁၆) ကြိမ်မြောက် မြန်မာ-တရုတ်နယ်စပ်ကုန်သွယ်ရေး ကုန်စည်ပြပွဲ (မူဆယ်) အား ဒီဇင်ဘာလ ၁၄ ရက်မှ၁၆ ရက်အထိ ရှမ်းပြည်နယ်(မြောက်ပိုင်း) မူဆယ်မြို့၊ မင်္ဂလာမူဆယ်ဈေး အထူးစီးပွားရေးဇုန်တွင် ကျင်းပမည် ဖြစ်ကြောင်း ကျင်းပရေးကော်မတီထံမှ သိရသည်။
အဆိုပါ ကုန်စည်ပြပွဲနှင့် အတူ (၁၂)ကြိမ်မြောက် တရုတ်- မြန်မာနယ်စပ်ကုန်သွယ်မှု ပူးပေါင်းညှိနှိုင်း ရေးကော်မတီ အစည်းအဝေးကိုပါ ယင်းရက်အတွင်း ကျင်းပမည်ဖြစ်သည်။
ယခုနှစ်ကုန်စည်ပြပွဲကာလအတွင်း မြန်မာ-တရုတ် နှစ်နိုင်ငံအစည်းအဝေး၊ မြန်မာ-တရုတ်နယ်စပ် ကုန်သွယ် ရေးဌာနများ တွေ့ဆုံဆွေးနွေးခြင်း၊ ကုန်သွယ်မှု စာချုပ် ချုပ်ဆိုခြင်း၊ မြန်မာ-တရုတ် ကုန်သွယ်မှု အစည်းအဝေး ပြုလုပ်ခြင်း၊ မြန်မာ-တရုတ် အနုပညာဖလှယ်ခြင်း အစီ အစဉ်များ နှစ်(၆၀) ပြည့် မြန်မာ-တရုတ် ဆွေမျိုး ပေါက်ဖော် ချစ်ကြည်ရေး အထိမ်းအမှတ် အခမ်းအနားများ ပျော်ပွဲ၊ ရွှင်ပွဲများပါဝင် မည်ဖြစ်သည်။
ပြပွဲတွင် ပြခန်းပေါင်း (၂၀၀)ကျော်ဖြင့် ခင်းကျင်းပြသ မည်ဖြစ်ရာ တရုတ်ပြည်သူ့သမ္မတနိုင်ငံမှ လုပ်ငန်းရှင် များအတွက် ပြခန်း(၁၅၀) ကျော်ခန့်၊ မြန်မာနိုင်ငံမှ လုပ်ငန်းရှင်များအတွက် ပြခန်း (၅၀)ခန့် ပြသရန် စီစဉ်လျက်ရှိသည်။(Xinhua)