တရုတ် နိုင်ငံက အပြည်ပြည် ဆိုင်ရာ ငွေကြေး ရန်ပုံငွေအဖွဲ့၏ စာရင်း အချက်အလက် ထုတ်ပြန်ခြင်း ဆိုင်ရာ အထူး သတ်မှတ်ချက် အား တရားဝင် စတင်လက်ခံ

လီမာ ၊ အောက်တိုဘာ ၈ ရက် (ဆင်ဟွာ)

တရုတ် နိုင်ငံ ဗဟိုဘဏ် ဒုတိယ ဥက္ကဌ ကျန်ရိကန်း က တရုတ် နိုင်ငံ မှ အပြည်ပြည် ဆိုင်ရာ ငွေကြေး ရန်ပုံငွေအဖွဲ့၏ စာရင်း အချက်အလက် ထုတ်ပြန်ခြင်း ဆိုင်ရာ အထူး သတ်မှတ်ချက် (SDDS) အား အောက်တိုဘာလ ၇ ရက်တွင် တရားဝင် စတင်လက်ခံ လိုက်ခြင်းသည် စာရင်းပြုစုမှု စနစ် ပိုမို ကောင်းမွန်လာ စေရန် နှင့် ပွင့်လင်းမြင်သာမှု ကဏ္ဍ တွင် ရရှိခဲ့သည့် တိုးတက်အောင်မြင်မှု တစ်ခု ဖြစ်ကြောင်း ပြောကြား ခဲ့သည်။

တရုတ် နိုင်ငံ ဗဟိုဘဏ် ဥက္ကဌ ကျုံရှောင်ချွမ်း ၏ အပြည်ပြည်ဆိုင်ရာ ငွေကြေး ရန်ပုံငွေ ဥက္ကဌ Lagarde ထံသို့ ပေးပို့ခဲ့သည့် စာတွင် တရုတ် နိုင်ငံ မှ SDDS အား တရားဝင် လက်ခံလိုက်ပြီ ဖြစ်ကြောင်း ၊ ဤ ဆုံးဖြတ်ချက် သည် တရုတ် နိုင်ငံ မှ SDDS သတ်မှတ်ချက် အတိုင်း သက်ဆိုင်ရာ စာရင်း များကို ထုတ်ပြန် သွားတော့မည် ဖြစ်ကြောင်း ဖော်ပြထားသည်ဟု ကျန်ရိကန်း က လီမာ တွင် ကျင်းပ သော အပြည်ပြည် ဆိုင်ရာ ငွေကြေးရန်ပုံငွေ အဖွဲ့ နှင့် ကမ္ဘာ့ဘဏ် တို့၏ နှစ်ပတ်လည် အစည်းအဝေး တွင် ပြောကြား ခဲ့သည်။

အပြည်ပြည်ဆိုင်ရာ ငွေကြေး ရန်ပုံငွေ အဖွဲ့ ဒုတိယ ဥက္ကဌ Lipton က တရုတ် နိုင်ငံ ၏ SDDS ကို လက်ခံ လိုက်ခြင်းသည် စာရင်းအချက်အလက် များ၏ ပွင့်လင်းမြင်သာမှု ကို တိုးမြှင့်လိုသည့် စိတ်သဘောထား အား ပေါ်လွင်စေခဲ့ကြောင်း ၊ ဤသည်မှာ တရုတ် နိုင်ငံ နှင့် အပြည်ပြည်ဆိုင်ရာ ငွေကြေး ရန်ပုံငွေ အဖွဲ့၏ ပူးပေါင်းဆောင်ရွက်မှု မှတ်တိုင် သစ်တစ်ခု ဖြစ်လာခဲ့ကြောင်း ပြောကြား ခဲ့သည်။

အပြည်ပြည်ဆိုင်ရာ ငွေကြေးရန်ပုံငွေ အဖွဲ့ က ၁၉၉၆ ခုနှစ်တွင် စာရင်းအချက်အလက် ထုတ်ပြန်ခြင်းဆိုင်ရာ အထူးသတ်မှတ်ချက် (SDDS) အား သတ်မှတ် လိုက်ခြင်း ဖြစ်ပြီး ရည်ရွယ်ချက်မှာ အဖွဲ့ဝင် နိုင်ငံ များမှ နိုင်ငံတကာ သို့ စီးပွားရေး နှင့် ငွေကြေးဆိုင်ရာ အချက်အလက် များအား အချိန်မီ ထောက်ပံ့ပေး နိုင်ရန် ဖြစ်သည်။ (Xinhua)