Environment, Disasters & Accidents
ချင်းတွင်းမြစ်ရေကျချိန် ညအိပ်ရပ်နားထားသော ကုန်တင်ရေယာဉ်တစ်စီး တိမ်းမှောက်
ရန်ကုန်၊ သြဂုတ် ၃ ရက် (ဆင်ဟွာ)
စစ်ကိုင်းတိုင်းဒေသကြီးအတွင်းရှိ ကနီဆိပ်ကမ်းတွင် သြဂုတ် ၃ ရက်နေ့ နံနက်ပိုင်းတွင် ချင်းတွင်းမြစ်ရေကျချိန် ညအိပ်ရပ်နားထားသော ရေယာဉ်သည် တင်ဆောင်လာသော တန်ပိုဝိန်ကြောင့် ညာဘက်သို့ တိမ်းစောင်းနစ်မြုပ်မှု ဖြစ်ပွားခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
ယင်း တိမ်းမှောက်သွားသော ရွှေပြည်စိုးရေယာဉ်အသင်းမှ သိန်းထိုက်အောင်မော်တော်ယာဉ်(အသားခွံသေး) ရေယာဉ်အမှတ် (မရ-၁၄၁)ရေယာဉ်သည် ချင်းတွင်းမြစ်အတွင်း သြဂုတ် ၂ ရက်နေ့ ညနေ ၄နာရီအချိန်က မုံရွာမှ နန့်တောသို့ ဆန်တက်ရန်အတွက် ထွက်ရှိလာပြီး ကုန်တင်ရေယာဉ်ပေါ်၌ ဒီဇယ်ပေပါအလုံး(၁၇၀)နှင့် မိသားစုသုံး ကုန်ပစ္စည်းများ တင်ဆောင် လာကြောင်း သိရသည်။
အဆိုပါ ရေယာဉ်ပေါ်တွင် မိသားစုခရီးသည် စုစုပေါင်းလူ(၅)ဦးလိုက်ပါလာပြီး တိမ်းမှောက်မှုကြောင့် ထိခိုက်ဒဏ်ရာရရှိမှုမရှိကြောင်း၊ ရေယာဉ်ပိုင်ရှင်အား ရေယာဉ်ပေါ်တွင် ဆီပေပါအလုံး(၁၇၀)နှင့် ကုန်ခြောက်ပစ္စည်းများ ပိုမိုတင်ဆောင် လာသဖြင့် ကနီမြို့မစခန်းတွင် အမှုဖွင့်အရေး ယူဆောင်ရွက်မည်ဖြစ်ကြောင်း သိရသည်။(Xinhua)