Science & Technology
တရုတ်နိုင်ငံ၏ အွန်လိုင်းအစားအသောက်ပို့ဆောင်ရေးလုပ်ငန်းသည် ၂၀၁၈ခုနှစ်တွင် နှစ်ဆတိုးတက်လာ
ပေကျင်း၊ ဧပြီ ၁၀ ရက် (ဆင်ဟွာ)
တရုတ်နိုင်ငံ၏ အွန်လိုင်းအစားအသောက် မှာယူခြင်း နှင့် ပို့ဆောင်ရေးလုပ်ငန်း ဈေးကွက်သည် ၂၀၁၈ခုနှစ်တွင် တရုတ်ယွမ် ၄၄၁.၅ ဘီလီယံ ( အမေရိကန်ဒေါ်လာ ၆၅.၈ ဘီလီယံ) အထိ ရောက်ရှိလာခဲ့ကာ ယခင်နှစ်ထက် ၁၁၂.၅ ရာခိုင်နှုန်း တိုးတက်လာခဲ့ကြောင်း လုပ်ငန်းအစီရင်ခံစာအရသိရသည်။
အွန်လိုင်းမှ အသားများ၊ သရေစာများ၊ ဟင်းသီးဟင်းရွက်များ၊ သစ်သီးများ နှင့် သောက်စရာများ မှာယူမှုအရေအတွက်သည် ၁၀.၉၆ ဘီလီယံ ရှိခဲ့ပြီး ယခင်နှစ်ထက် ၂ဆနီးပါး တိုးတက်လာခဲ့ကြောင်း အင်တာနက်အချက်အလက် လေ့လာဆန်းစစ်ရေး ဝန်ဆောင်မှုလုပ်ငန်း Analysys က ထုတ်ပြန်ချက်အရ သိရသည်။
အဆိုပါ အစီရင်ခံစာအရ ယင်းဈေးကွက်သည် နောက် ၃နှစ်တာဖြစ်သော ၂၀၂၁ခုနှစ်တွင် တရုတ်ယွမ် ၉၃၄ဘီလီယံ အထိ တိုးတက်လာမည်ဟု ခန့်မှန်းထားကြောင်း သိရသည်။
ပို့ဆောင်ရေးအပလီကေးရှင်းများကို အသုံးပြုသူ အရေအတွက်သည် ၂၀၁၈ခုနှစ်တွင် ဆက်တိုက်မြင့်တက်လာပြီး ဒီဇင်ဘာ တွင် ၁၀၂.၈သန်းကျော် ရောက်ရှိခဲ့ကြောင်း သိရသည်။ (Xinhua)