Connect with us

Environment, Disasters & Accidents

မန္တလေးတိုင်းဒေသကြီး၊ မတ္တရာမြို့နယ်၊ မြွေဟင်္သာကျေးရွာမှ စကျင်ကျေးရွာသို့ မောင်းနှင်လာသော စက်လှေ ၁ စီး တိမ်းမှောက်မှုဖြစ်ပွား၊ လူတစ်ဦးသေဆုံး

မတ္တရာမြို့နယ်၌ ဖြစ်ပွားသော စက်လှေတိမ်းမှောက်မှုတွင် မတ္တရာမြို့နယ် မီးသတ်တပ်ဖွဲ့မှ ရှာဖွေကယ်ဆယ်ရေးများဆောင်ရွက်နေစဉ် (ဓာတ်ပုံ- မြန်မာနိုင်ငံမီးသတ်တပ်ဖွဲ့)

ရန်ကုန်၊ ဇွန် ၂၄ ရက် (ဆင်ဟွာ)
ဇွန် ၂၄ ရက်၊ နံနက် ၀၆:၃၀နာရီ အချိန်ခန့်က မန္တလေးတိုင်းဒေသကြီး၊ မတ္တရာမြို့နယ်၊ မြွေဟင်္သာကျေးရွာမှ စကျင်ကျေးရွာသို့ မောင်းနှင်လာသော စက်လှေ ၁ စီး တိမ်းမှောက်မှုဖြစ်ပွားခဲ့ပြီး စက်လှေပေါ်ပါ အမျိုးသားတစ်ဦး သေဆုံးခဲ့ကြောင်း မန္တလေးတိုင်းဒေသကြီး၊ မတ္တရာမြို့နယ် မီးသတ်တပ်ဖွဲ့မှ ဦးစီးအရာရှိ ဦးချမ်းငြိမ်းသူက ဆင်ဟွာသို့ ယနေ့ ဇွန် ၂၄ ရက်တွင် အတည်ပြုပြောကြားသည်။

မတ္တရာမြို့နယ်၌ ဖြစ်ပွားသော စက်လှေတိမ်းမှောက်မှုတွင် မတ္တရာမြို့နယ် မီးသတ်တပ်ဖွဲ့မှ ရှာဖွေကယ်ဆယ်ရေးများဆောင်ရွက်နေစဉ် (ဓာတ်ပုံ- မြန်မာနိုင်ငံမီးသတ်တပ်ဖွဲ့)

မတ္တရာမြို့နယ်၌ ဖြစ်ပွားသော စက်လှေတိမ်းမှောက်မှုတွင် မတ္တရာမြို့နယ် မီးသတ်တပ်ဖွဲ့မှ ရှာဖွေကယ်ဆယ်ရေးများဆောင်ရွက်နေစဉ် (ဓာတ်ပုံ- မြန်မာနိုင်ငံမီးသတ်တပ်ဖွဲ့)

 

“ကျွန်တော်တို့ ဆီကို စကျင်ကျေးရွာက ရပ်မိရပ်ဖတွေက အကြောင်းကြားပါတယ်။ သတင်းရရချင်း ကျွန်တော်တို့ သွားရောက်ပြီး ကူညီကယ်ဆယ်မှုတွေ ဆောင်ရွက်ခဲ့ပါတယ်။ အခင်းဖြစ်ပွားတဲ့ စက်လှေက ရိုးရိုးလှေကို စက်တပ်ထားတာပါ။ မြွေဟင်္သာကျေးရွာမှ စကျင်ကျေးရွာဘက်ကိုအလာမှာ စက်လှေတိမ်းမှောက်ပြီး လူတစ်ဦးပျောက်ဆုံးနေတယ်ဆိုပြီး ကျွန်တော်တို့ ကို အကြောင်းကြားခဲ့တာပါ’’ ဟု ဦးချမ်းငြိမ်းသူ က ပြောသည်။
သတင်းရရှိသဖြင့် မတ္တရာမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ Madaya Rescue နှင့် လက်ပံလှ Rescue အသင်းဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်ခဲ့ရာ လှေပေါ်ပါ ကျား ၅ ဦးအနက် ကျား ၄ ဦးအား အသက်ရှင်လျက် ရှာဖွေတွေ့ရှိခဲ့ပြီး (၁၁:၅၅)နာရီ အချိန်တွင် ကျန် ကျား ၁ ဦး၏ ရုပ်အလောင်းအား ရှာဖွေတွေ့ရှိခဲ့ပြီး Madaya Rescue အသင်းမှ သူနာတင်ယာဉ်ဖြင့် မတ္တရာပြည်သူ့ဆေးရုံသို့ ပို့ဆောင်ပေးခဲ့ကြောင်း မြန်မာနိုင်ငံ မီးသတ်တပ်ဖွဲ့မှ ယနေ့ ဇွန် ၂၄ ရက်တွင် သတင်းထုတ်ပြန်ခဲ့သည်။
“လက်ရှိဧရာဝတီမြစ်ရေတိုးတယ်။ မြစ်ရေလျှံတယ်ပေါ့။ အဲဒီဘက်က နှစ်စဉ်ရေကြီးလေ့ရှိပါတယ်။ ကျွန်တော်တို့ မီးသတ်တပ်ဖွဲ့ဝင်များအနေနဲ့ သတင်းရတာနဲ့ ရှာဖွေကယ်ဆယ်ရေးတွေကို ဆောင်ရွက်လျက်ရှိပါတယ်’’ ဟု ၎င်းက ဖြည့်စွက်ပြောကြားသည်။ (Xinhua)

Continue Reading
Click to comment

Leave a Reply

Your email address will not be published.

This site uses Akismet to reduce spam. Learn how your comment data is processed.